Sarapshylar 2020 jyldyń qańtar-tamyzynda elde memlekettik qyzmet pen memlekettik basqarý múddelerine qarsy 1,6 myń sybaılas jemqorlyq jáne basqa qylmystyq quqyq buzýshylyqtar tirkelgenin eseptep shyǵardy. Bul ótken jylmen salystyrǵanda 12,6 paıyzǵa az.
Olardyń úshten ekisi paramen baılanysty bolǵan. Jyl basynan beri elde 993 para alý faktisi tirkelipti. Bul 2019 jyldyń sáıkes kezeńimen salystyrǵanda 11,4 paıyzǵa artyq. Onyń ishinde 555 is para alýǵa qatysty, 404 is para berýge baılanysty, 34 is medıasııaǵa qatysty.
Aımaqtyq kontekstte Batys Qazaqstan oblysy paraqorlyqqa qatysty kóshbasshyǵa aınaldy. Aımaqta 97 is tirkelgen. Bul bir jyldyń ishinde eki esege óskendigin kórsetedi. Al ekinshi orynda Almaty oblysy. Bul aımaqta para alýdyń 87 jaǵdaıy tirkelgen.Iаǵnı, 47,5 paıyzǵa kóbeıipti. Shyǵys Qazaqstan oblysy úshinshi orynda. 76 jaǵdaı, byltyrǵymen salystyrǵanda 3,8 paıyzǵa az.
