"Antıdenelerdiń bolýy naýqastarǵa sharalardy saqtamaýǵa, betperde taqpaýǵa jáne qashyqtyqty saqtamaýǵa quqyq bermeıdi. Barlyǵy saqtyq sharalaryn saqtaýy kerek. Sonymen qatar jasýshalyq ımmýnıtet damıdy – bul ımmýnıtettiń bir-eki jylǵa jetetini áli belgisiz. COVID-19 sındromymen ımmýnıtet eki jylǵa jetedi, múmkin odan da kóp. Ǵalymdar bul máselemen aınalysýda, sondyqtan naqty túsinik joq", dep túsindirdi professor.
A.Sharman COVID-19 naýqastaryna aýrýdyń aǵymyna qaramastan, sımptomdyq ıa sımptomsyz bolsa da, betperde taǵýdy jalǵastyrýdy jáne qashyqtyqty saqtaýdy usynady.
"Eger siz aýyrmasańyz, vırýs murynǵa nemese aýyzǵa túsip, baılanysta bolǵan kezde odan ári taralýy múmkin. Saqtyq sharalaryn saqtaı otyryp, siz ózińizdi ǵana emes, jaqyndaryńyz ben aınalańyzdaǵy adamdardy da qorǵaısyz. Sondyqtan men saqtyq sharalaryn saqtaýdy jalǵastyrýǵa shaqyramyn", dep A.Sharman qala turǵyndaryna keńes aıtty.
