Bul aqparatty Shyǵys Qazaqstan oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti rastady.
"1 qyrkúıekten bastap oblys aýmaǵynda tórt jaǵdaı tirkeldi. Olar Shemonaıha aýdanynyń 4-synyp oqýshylary, Kókpekti aýdanynyń 11-synyp oqýshysy jáne Altaı aýdanynyń 2-synyp oqýshysy", dep habarlady vedomstvonyń baspasóz qyzmeti.
Qazir oblys aýmaǵynda 14 kúndik karantınge eki synyp pen bir mektep jabyldy. COVID-19 vırýsy anyqtalǵan barlyq mektepterde epıdemııaǵa qarsy, dezınfeksııalyq sharalar júrgizildi.
Eske sala keteıik, keshe ShQO-daǵy kezekshi synypqa baratyn oqýshydan koronavırýs anyqtaldy.
