"Prezıdenttiń Joldaýynda halyqtyń jaıly ómir súrýine qolaıly jaǵdaı jasaý baǵytyndaǵy jumystarǵa kóp kóńil bólingen. Búgin biz sondaı paıdaly da mańyzdy nysandy eldiń ıgiligine paıdalanýǵa bergeli turmyz. Bıyl oblysta 8 dene shynyqtyrý-saýyqtyrý kesheniniń qurylysyn júrgizsek, ótken jyly 5-eýin salyp, iske qostyq", deıdi A.Batalov.
DSK negizgi 3 bólikten turady.
Birinshi blokta kúrespen jáne bokspen aınalysatyn zaldar, sol sııaqty trenajerlyq jattyǵý jasaıtyn oryn (erkin kúres, grek-rım kúresi, dzıýdo, sambo, qazaqsha kúres, boks, taı boksy/mýaıtaı, bodıbıldıng, krossfıt) bar.
Ekinshi blokta tilek bildirýshiler shahmat, doıby, toǵyzqumalaq, ústel tennısin oınap úırene alady, sonymen birge bımen jáne túrli saýyqtyrý gımnastıkalarymen aınalysýǵa múmkindik jasalǵan.
Úshinshi blokta taǵy bir ámbebap zal bar, munda múmkindigi shekteýli 6 adamǵa arnalǵan oryndy qosa alǵanda 325 kórermenge arnalǵan orny bar trıbýnaly ámbebap zal mınıfýtbol, voleıbol, gandbol oıyndaryna arnalǵan. Sonymen qatar DSK-nyń qorshalǵan aýmaǵynda kúndiz jáne túngi ýaqytta fýtbol oınaýǵa arnalyp jasandy jabyn tóselgen fýtbol alańy, sol sııaqty balalar oıyn alańy men trenajerlyq alań ornalasqan.
Atap ótsek, Almaty oblysynda 3 myńnan astam sporttyq nysandar, 37 sport mektebi bar. 500-den astam jetisýlyq sportpen turaqty aınalysady. Bıyl sport mektepteriniń materıaldyq-tehnıkalyq bazasyn nyǵaıtýǵa oblystyq bıýdjetten 1,5 mlrd teńge bólingen.
