Atalǵan qaýlyǵa sáıkes, Shymkent qalasynyń aýmaǵynda 2020 jylǵy 28 qyrkúıek kúni saǵat 00-00-den bastap 2020 jylǵy 12 qazan kúni saǵat 00-00-ge deıin karantın jáne shekteý sharalary uzartylady. Osyǵan oraı Shymkent qalasynyń turǵyndary men qonaqtaryna mynandaı jaǵdaılar eskertiledi
Adamdardyń kóp jınalýyna baılanysty eske alý, týǵan kún, mereıtoılar, qudalyq, toı, betashar syndy kez kelgen sharanyń ótkizilýine tyıym salynady.
65 jastan asqan adamdardyń qala jáne basqa da qoǵamdyq oryndarda júrýi shekteledi. Qalada júrip-turý kezinde betperde taǵý boıynsha mindetti talaptar, adamdar arasynda 2 metr áleýmettik qashyqtyq saqtalýy tıis. Úılerdiń aýlalarynda, saıabaqtarǵa, alańdarǵa, gúlzarlarǵa, jaǵalaýlarǵa baryp serýendeýge 3 adamnan aspaıtyn topqa jáne bir otbasy múshelerine ruqsat etiledi.
Jalpy paıdalaný oryndarynda ornalasqan balalardyń oıyn alańshalaryna barýǵa 3 adamnan aspaıtyn topqa ǵana ruqsat beriledi.
Qoǵamdyq oryndarǵa, adamdar kóp jınalatyn obektilerge barǵanda, sonyń ishinde qoǵamdyq kólikterge kirgen kezde betperdelerdi taǵý jáne qoǵamdyq oryndarǵa barǵannan keıin antıseptıkterdi paıdalaný jónindegi talaptar qatań saqtalady.
