Elordada koronavırýstyq ınfeksııanyń jańa tolqynyna aýrýhanalar men stasıonarlar daıyndalýda.
Brıfıng barysynda Qoǵamdyq densaýlyq saqtaý basqarmasynyń basshysy Tımýr Muratovtyń aıtýynsha, koronavırýstyń asımptomatıkalyq formasy bar jáne aýrýy jeńil ótip jatqan pasıentterdi, sondaı-aq emhanalardyń provızorlyq bólimsheleriniń mamandarymen baılanysta bolǵan adamdardy qashyqtan emdeý jalǵasatyn bolady.
"Mobıldi brıgadalardyń jumysy úıge baryp, jaqyndarynan PTR ádisimen KVI-ge jaǵyndy alý arqyly, shaqyrýlarǵa kórsetý úshin bes myń turǵynǵa bir brıgada qyzmet etedi. Qalada barlyǵy 207 mobıldi brıgada bar. Jedel respıratorlyq aýrýlarmen aýyratyn naýqastardy qabyldaý boıynsha súzgi-kabınetterdiń jumysy kúsheıtildi", dep túsindirdi Tımýr Muratov.
Sondaı-aq MSAK deńgeıinde pasıentterge medısınalyq kómek kórsetý algorıtmi jáne JRVI jáne KVI kezinde qadamdyq baǵdarlaý ázirlendi.
"Infeksııalyq jáne provızorlyq stasıonarlarǵa jatqyzýdy qajet etetin naýqastar aǵynyn bólý maqsatynda qalalyq jedel medısınalyq járdem stansasynyń bazasynda ahýaldyq ortalyq uıymdastyryldy.
Chat-bot arqyly 103 qońyraýdy óńdeý boıynsha jumys jalǵasýda.
Qajet bolǵan jaǵdaıda shaqyrýlarǵa qyzmet kórsetý úshin jedel medısınalyq járdem brıgadalarynyń sanyn ulǵaıtý josparlanýda: MSAK uıymdarynda – 70 brıgadaǵa deıin, JMKS deńgeıinde – 100 brıgadaǵa deıin, barlyǵy 170 brıgada", dep túsindirdi Tımýr Muratov.
Aıta keteıik, búginde qalada ınfeksııalyq naýqastardy emdeý úshin 434 О́JJ-apparaty bar.
Buǵan deıin habarlanǵandaı, qajet bolǵan jaǵdaıda 5 myńnan astam qosymsha tósek-oryndy ornalastyrý úsh kezeńde júrgizý josparlanyp otyr.
