Aımaq basshysy Dýbovka aýylynda bıýdjet qarjysy qandaı baǵyttarǵa jumsalǵanyn qarap shyqty. Aýdan ákimi Baýyrjan Asanovtyń aıtýynsha, Jumyspen qamtýdyń jol kartasy boıynsha munda stadıon men bilim berý ortalyǵy jóndeldi. Úıler arasynda serýendeý alańy abattandyryldy. Kentte oblystyq bıýdjet qarajatyna sý qubyry jelileri jóndelýde.
Jumyspen qamtýdyń jol kartasy boıynsha Abaı aýdanynda 1,2 mlrd teńgeniń 42 jobasy júzege asyrylýda. 349 jumys orny qurylǵan. Aýdan ákiminiń málimetinshe, 15 eldi mekende joldar men jaryqtandyrý retke keltirilip, 9 bilim berý nysany men eki aýrýhana jóndeldi.
Jeńis Qasymbek sondaı-aq egin jınaý nátıjelerimen tanysty. Abaı aýdanynda 50-ge jýyq sharýa qojalyǵy kartop pen kókónis ósiredi. Oblys ákimi jyl saıyn oblystyń turaqtandyrý qoryn tolyqtyrýǵa kómektesetin "Polıvnoe" jáne "Shans" sharýa qojalyqtarynda bolyp qaıtty.
