"Olardyń barlyǵy qashyqtan oqytý kezinde aýrýǵa shaldyqqan. Balalar bir-birimen tikeleı qatynasta bolǵandyǵy anyqtaldy. Epıdemıologııalyq tergeý nátıjesinde 4 oqýshynyń ınfeksııany aýrý týystarynan juqtyrǵany anyqtaldy. 2 oqýshy medısınalyq mekemelerge JRVI belgilerimen barǵan kezde anyqtaldy. 1 oqýshy - bronh demikpesinen sanatorıı-kýrorttyq emdelý aldynda profılaktıkalyq tekserýden óter kezde tabyldy", dedi ol.
Al, mektepke deıingi balalar arasynda koronavırýs aýrýy bolǵan joq. Mektep oqýshylary men Almaty qalasy turǵyndary arasynda koronavırýstyń taralýyn boldyrmaý úshin mektep oqýshylary úshin qashyqtan oqytý formaty engizildi. Sonymen qatar ata-analary qadaǵalaýǵa múmkindigi joq balalar úshin 178 mektepte 11942 oqýshyǵa arnalǵan 917 kezekshi synyp ashyldy. Munda barlyq profılaktıkalyq is-sharalardy saqtaı otyryp bilim alýǵa jaǵdaı jasaldy (9,8% bastaýysh synyp oqýshylary).
