Dárigerlerdiń aıtýynsha, júkti áıeldiń densaýlyǵy syr berip, sábılerin merziminen erte - segiz aıda bosanǵan. Ana men bala ómirine qaýip tóndirmes úshin dárigerler kesar tiligi arqyly bosandyrǵan. Eki ul men bir qyzdy ómirge alyp kelgen jas ana men nárestelerdiń qazirgi jaǵdaıy jaqsy jáne dárigerlerdiń arnaıy kútiminde. Tuńǵyshyn 18 jasynda bosanǵan, úıdegi ul men eki qyzdyń qataryna úshem qosyp, kópbalaly ana atanǵan Erkinaıdyń dárigerlerge aıtar alǵysy sheksiz. Otbasymen aqyldasa kele anasy nárestelerine Aqjan, Marjan jáne Baqjan esimderin beripti.
Jalpy, Túrkistan oblystyq nómiri 1-shi perzenthanada bıyl 155 egiz jáne 3 úshem dúnıege kelgen. Oblystyq qoǵamdyq densaýlyq basqarmasynyń málimetinshe, aımaqta týý kórsetkishi de byltyrǵy jylmen salystyrǵanda artqan. Jyl basynan beri óńirde 45030 sábı dúnıe esigin ashqan.
Túrkistan oblysy
