"Memleket basshysy Qasym-Jomart Toqaevtyń tapsyrmasyna oraı, koronavırýs ınfeksııasynyń ekinshi tolqynyna daıyq joǵary deńgeıde uıymdastarylýda. Tapsyrmaǵa sáıkes birneshe oblysta modýldi juqpaly aýrýlar aýrýhanasyn salý qolǵa alynǵan bolatyn. Bizdiń oblys tapsyrma berilisimen jumysty bastap ketti. Búgin, mine, qysqa merzimde aýrýhanany paıdalanýǵa berip otyrmyz", dedi obylstyq juqpaly aýrýlar aýrýhanasynyń ashylýyna kelgen oblys ákimi Amandyq Batalov.
Aýmaǵy 4,18 gektar jerdi alyp jatqan ınfeksııalyq aýrýhana 200 orynǵa arnalǵan. Onyń qurylysy men qajetti qural-jabdyqtar alýǵa 7,5 mlrd teńge qarjy jumsalǵan eken. Qazir aýrýhana juqpaly indet juqtyrǵan naýqastardy emdeýge tolyqtaı daıyn. 20 tósekten turatyn jansaqtaý bóliminen bólek, MRT men sıfrly rentgen apparaty qoıylǵan bólmeler de qajetti kómek kórsetýge ázir. Naýqastar úshin sońǵy úlgidegi eki gemodıalız apparaty da jańadan qoıylǵan. Jansaqtaý bólimi tolyqtaı jasandy tynys aldyrý apparattarymen jabdyqtalǵan.
"Nysandy qysqa merzimde sapaly etip salyp shyqqan "BI Group" qurylys kompanııasyna alǵys aıtamyn. Qurylysshylarǵa rızashylyǵymdy bildiremin. О́zim de qurylysshy bolǵandyqtan jumystyń qandaı deńgeıde jasalyp jatqanyn qabyrǵasy qalanǵan kezde-aq baıqaǵanmyn. Mine, ishin aralap shyqtyq. Bári keremet, túp-túzý, talapqa saı. Qaýipsiz jáne jyly bolatynyna senim mol", dedi aımaq basshysy Amandyq Batalov jańa nysandy aralaý barysynda.
Jalpy, jańadan ashylǵan aýrýhanada jumys isteıtin dárigerler sany 400 mamanǵa deıinge kóbeıedi eken. Aýrýhanyń ózi 8 bólimnen turatyn bolǵandyqtan, dertti anyqtaý men emdeýge deıingi aralyqtaǵy qajetti medısınalyq kómektiń barlyǵy tizbek boıynsha osy ǵımarat ishinde júzege asýy tıis. Naýqasty qabyldaýdan bastalǵan úrdis derttiń deńgeıin anyqtaý men em-dom taǵaıyndaýǵa deıin birizdilikpen júzege asady. Sondaı-aq, aýrýhanada sońǵy úlgidegi qural-jabdyq qoıylǵan operasııa bólmesi men shaǵyn úlgidegi perzenthana da jumysyn bastady.
Aıpaqshy, jańadan ashylǵan mekemeniń jumysy tolyqtaı sıfrly júıemen basqarylady. Iаǵnı, bul aýrýhana Almaty oblysyndaǵy alǵashqy "aqyldy" aýrýhana bolyp otyr. Bul jańalyq aımaqtyń medısna salasyn sıfrlandyrýdy jańa beleske kótergeni anyq. Jalpy oblys densaýlyq saqtaý salasyn sıfrlandyrý boıynsha aýyldyq óńirlerdiń ózin 84 paıyzǵa jetkizgenbolatyn. Al oblystyq, qalalyq jáne aýdandyq deńgeıdegi aýrýhanalardyń ınternetke qosylýy 100 paıyzdyq mejeden kóringen. Jalpy, medısınalyq qujattamany qaǵazsyz júrgizýge 53 medısınalyq mekeme qosylyp, elektrondy formatqa 224 nysan kóshirilgen eken. Onyń ishinde turǵyndardyń 98,1 paıyzynda elektrondy densaýlyq pasporty bar. Nátıjesinde, 1 997 750 adamnyń naýqas tarıhyn sıfrly júıe arqyly zerdeleýge tolyq múmkindik týyp otyr.
Sondaı-aq, oblystaǵy dáriger kadrlardyń jetispeýshiligin joıýdyń joldary sheshilýde. Ásirese, mamandardyń áleýmettik jaǵdaıyn jasaýǵa kóńil bólinip otyr. Mysalǵa, jańadan ashylǵan osy aýrýhanaǵa maman tartý úshin Taldyqorǵandaǵy kottedjdi qalashyqtan 47 baspana bólinipti. Al jas mamandardyń baspana máselesin sheshý úshin jataqhana salynýda. Ǵımarat qarasha aıynda qoldanysqa berilmekshi. Qazirdiń ózinde on jas maman jumysqa qabyldanyp, osy jataqhananyń ashylýyn kútip júr. Jalpy, oblysta reanımatolog, kardıolog, endokrınolog dárigerlerdiń jetispeýshiligi bar. Bul máseleni medısınalyq bilim beretin joǵarǵy oqý oryndarymen kelisimge otyrý arqyly sheshý qolǵa alynǵan. Osy maqsatqa oblys ákimi granty bólinip, qajetti mamandardy daıarlaýǵa tapsyrys berilgen.
Almaty oblysy
