BǴM Bilim jáne ǵylym salasyndaǵy sapany qamtamasyz etý komıteti M.Tynyshpaev atyndaǵy Qazaq kólik jáne kommýnıkasııa akademııasyn (Almaty q.) bas lısenzııasynan aıyrý týraly sheshim qabyldady. Sheshim 10 jumys kúni ótkennen keıin zańdy kúshine enedi, keıin joǵary oqý orny bilim berý salasyndaǵy qyzmetin toqtatýǵa mindetti bolady.
Jyl boıy Akademııada josparly jáne jospardan tys tekserýler júrgizilip, bilim berý salasyndaǵy óreskel buzýshylyqtar anyqtaldy. Atap aıtqanda, oqý prosesi professorlyq-oqytýshylyq qurammen, óndiristik praktıka bazalarymen, oqý, oqý-ádistemelik jáne ǵylymı ádebıettermen qamtamasyz etilmegen. Bilim berý baǵdarlamalary jumys berýshilerdiń suranysyna tolyq sáıkes kelmedi, bul túlekterdiń jumysqa ornalasýyna da áser etti. «Atameken» QR UKP júrgizgen reıtıng boıynsha Akademııanyń bilim berý baǵdarlamalarynyń shamamen 60% jumys berýshilerdiń talaptaryna sáıkes kelmeıdi.
Buǵan deıin Bilim jáne ǵylym mınıstrligine osy ýnıversıtette «oqyǵan» sheteldik stýdentter de júgingen bolatyn. Olar oqýdyń aqysyn tólegen, biraq is júzinde Akademııada «oqymaǵan» bolyp shyqty. Materıaldar tıisti quqyq qorǵaý organdaryna jiberildi.
«Biz Akademııa ıeleri qarsylyq tanytýy múmkin ekenin túsinemiz. Olar Komıtettiń sheshimine sot tártibi boıynsha shaǵymdanýǵa quqyly. Biz Memleket basshysynyń sapaly bilim berýdi qamtamasyz etpeıtin joǵary oqý oryndaryn jabý boıynsha qoıǵan mindetterin iske asyrýǵa tıispiz. Birinshi kezekte, stýdentterdiń sapaly qyzmet alý quqyqtary men múddelerin eskerip jatyrmyz. Olarǵa alańdaýǵa esh sebepteri joq. Bilim alýshylar sol qaladaǵy basqa joǵary oqý oryndaryna grantyn saqtaı otyryp, aýysa alady, sondaı-aq aqyly negizde oqyǵandar úshin de oqý quny artpaıdy. Aýysý úshin olarǵa semestrdiń aıaqtalýyn kútýdiń qajeti joq, biz qazirden bastap basqa JOO aýysýǵa ruqsat berdik. Sonymen qatar stýdentterdiń oqý nátıjeleri de saqtalady jáne aýysyp barǵan joǵary oqý ornynda eskeriledi. Buǵan deıin 35 myń stýdenti bar joǵary oqý orny jabylǵanda, barlyq stýdentterdi basqa oqý ornyndaryna aýystyrý boıynsha jumys atqarǵan bolatynbyz, ıaǵnı mundaı tájirıbe bar. Professorlyq-oqytýshylyq quramdy jumysqa ornalastyrý boıynsha da jumys júrgiziletin bolady», – dep atap ótti QR BǴM Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova.
Qazirgi ýaqytta M. Tynyshpaev atyndaǵy Qazaq kólik jáne kommýnıkasııa akademııasynda 5 myńnan astam adam oqıdy. Akademııada oqý quny – bilim berý baǵdarlamasyna baılanysty 427 myń teńgeden bastap 1,5 mln teńgege deıin.
«Qazaq kólik jáne kommýnıkasııa akademııasyna qatysty túsken shaǵymdar bir jyldyń kóleminde tolastaǵan emes. Akademııanyń 30-shy jyldardan bastaý alǵan tarıhyna qaramastan, ýnıversıtet basshylyǵy oqý ornyn osy jaǵdaıǵa jetkizdi. Kezinde dál osy joǵary oqý orny temirjol salasyn sapaly kadrlarmen qamtamasyz etken bolatyn. О́kinishtisi sol, qazirgi tańda bul bilim ordasynda bolashaq mamandardy tıisti deńgeıde daıarlaý boıynsha túıtkildi máseleler jeterlik. Mundaı jaǵdaı eldiń ekonomıkasy úshin strategııalyq mańyzdy salasyna maman daıyndaý barysynda oryn almaýy tıis. Bilim berý baǵyttary uqsas oqý oryndarynyń kúsh-jigerin biriktirý qajet shyǵar», – deı kele, QR joǵary oqý oryndary qaýymdastyǵynyń prezıdenti Rahman Alshanov sala mamandaryn daıarlaýdy saqtap qalýdyń mańyzdylyǵyn atap ótip.
Akademııadaǵy bakalavrıattyń 8 baǵyty, magıstratýranyń 6 baǵyty, doktorantýranyń 4 baǵyty boıynsha lısenzııalar Almaty qalasynyń basqa 30 joǵary oqý ornynda bar.
«Materıaldyq-tehnıkalyq ınfraqurylymnyń jáne bilim berý prosesin júzege asyrýǵa salynǵan ınvestısııalardyń bolýyn eskere otyryp, Qazaq kólik jáne kommýnıkasııa akademııasy bazasynda mektep nemese kolledj qurý týraly usynysty qarastyrýǵa bolady. Sondaı-aq olar qaladaǵy basqa da uqsas beıindegi joǵary oqý oryndarymen birige alady», – dedi QR BǴM Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova.
