1 qazanda Rýdnyı qalalyq kópsalaly aýrýhanasynda 35 jastaǵy Dınara Erjanova Eljan esimdi batyrdy dúnıege ákeldi.
Rýdnyı qalalyq kópsalaly aýrýhanasynyń akýsherlik-gınekologııalyq bóliminiń basshysy Lıýdmıla Tólebaeva aıtyp ótkendeı, onyń kópjyldyq jumys tájirıbesinde mundaı bala alǵash ret ómirge kelgen eken.
"Eljan esimdi sábıdi kesar tiligimen dúnıege ákeldik. Eljan – otbasyndaǵy tórtinshi bala. Áýeli shaqalaqtyń úlken ekenin baıqadyq, biraq mynadaı batyr balany kútpedik. Ana men balaǵa densaýlyq tileımiz", dep aǵynan jaryldy dáriger", deıdi Lıýdmıla Tólebaeva.
"Bastapqyda dárigerlerge senbedim. Salmaǵynyń 6 keliden asatynyn boljaǵan da emespin. Tuńǵyshym men ekinshimniń salmaǵy 3,8 keli shamasynda, odan keıingisi 4,6 keli boldy. Eljannyń jaǵdaıy jaqsy. Búgin úıge shyǵaryp qalýy tıis. Quttyqtap jatqan jandarǵa, janymda bolǵan dárigerler qaýymyna alǵysym sheksiz", dedi Dınara Erjanova.
