Kásipkerlerdiń sybaılas jemqorlyqqa yqpal etetin sebepter men jaǵdaılardy joıýǵa belsendi qatysýyn qamtamasyz etýdi maqsat etken forýmǵa Kásipkerler palatasynyń dırektory Tımýr Nahıpbekov, oblys ákiminiń orynbasary Sáken Qalqamanov, Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń basshysy Hakım Kóshqalıev, oblys prokýrorynyń orynbasary Artyqbek Pashaev, jergilikti atqarýshy jáne aýmaqtyq organdar men bıznes-qaýymdastyqtyń ókilderi qatysty. Alqaly jıynda sóz alǵan H.Kóshqalıev kásipkerlikti qoldaý jáne qorǵaý - el damýynyń basty kepili ekendigin atap ótip, búginde Agenttiktiń bastamasymen el aýmaǵynda bıznesti damytý úshin ákimshilik kedergilerge jol bermeýge jáne qolaıly ınvestısııalyq ahýaldy qamtamasyz etýge aıryqsha basymdyq berilip otyrǵanyn jetkizdi. Al Departament basshysynyń birinshi orynbasary Mıras Qarǵabaı óńirde «Protecting Business and Invesments» jobasy aıasynda jalpy quny 466 mlrd teńge bolatyn 37 joba departamentpen súıemeldeýge alynyp, jyl basynan beri bıznesti qorǵaý sheńberinde 15 kásipkerlik sýbektisiniń quqyqtary qalpyna keltirilgenin, sonyń nátıjesinde 20 laýazymdy tulǵa qylmystyq jaýapkershilikke tartylǵanyn málim etti.
Jıyn barysynda sybaılas jemqorlyq faktilerine jol bermeý jáne qandaı da bir zańsyz qysym jasaý derekterin boldyrmaý maqsatynda, «Rrotecting business and investments» jobasy aıasynda, Departament pen «Turkistan Invest» ınvestısııa tartý jáne eksportty damytý aımaqtyq agenttigi arasynda memorandýmǵa jáne 2 iri bıznes qaýymdastyqpen kelisimge qol qoıyldy. Kásipkerliktiń damýyna kedergi keltiretin ózekti máseleler ortaǵa salynyp, usynys-pikirler tyńdaldy.
Túrkistan oblysy
