"OIYL–QIYL–JEM–SAǴYZ" atty ekologııalyq taqyryptaǵy birlesken shyǵarmashylyq-zertteý jobasy memleket basshysy Qasym-Jomart Toqaevtyń "Jańa jaǵdaıdaǵy Qazaqstan: is-qımyl kezeńi" atty halyqqa arnaǵan Joldaýynan týyndaıtyn mindetter jáne "Aýyl – El besigi" baǵdarlamasy negizinde júzege asyrylady.
Joba aıasynda "Atyraý-Aqparat" jáne "Aqtóbe medıa" JShS-teri arasynda áriptestik baǵyttaǵy qarym-qatynastardy damytý, buqaralyq aqparat quraldary salasynda shyǵarmashylyq baılanystardy óristetý kózdelip otyr. Osy baǵytta búgin atalǵan eki seriktestiktiń basshylary Ysqaq Egemberdıev pen Raýken Otynshın ózara yntymaqtastyq jónindegi Memorandýmǵa qol qoıdy.
"Aqtóbe Medıa" seriktestiginiń dırektory, Qazaqstan Jýrnalıster Odaǵy Aqtóbe oblystyq fılıalynyń tóraǵasy Raýken Otynshın shyǵarmashylyq-zertteý jobasynyń seriktesi bolyp tabylady.
Memorandým aıasynda atalǵan ózenderdiń ahýaly jóninde ekspedısııalar, qoǵam belsendileri, tıisti qurylymdarmen birlesken is-sharalardy uıymdastyrý sııaqty jumystar jasalady.
