О́tken aı boıynsha jalpy tólemder somasy 10 mlrd teńgeden asady. Bul týraly Ortalyq kommýnıkasııalar qyzmeti ortalyǵy alańynda Áleýmettik medısınalyq saqtandyrý qorynyń basqarma tóraǵasy Bolat Tókejanov keńinen aıtyp berdi.
«Qazirgi ýaqytta ústemeaqy alýshylardyń tizimin qalyptastyrý boıynsha óńirlik komıssııalardyń jumysy júrgizilýde. Tizimderdi usynǵannan keıin qor aı saıynǵy qosymsha aqylardy tóleýge kirisedi. Biz bul jumysty ádettegideı 20 kúnge deıin aıaqtaýdy josparlap otyrmyz», dedi B.Tókejanov.
Qaýipti jaǵdaıda jumys isteýge tartylǵan medısına qyzmetkerleriniń sany epıdemııalyq jaǵdaıǵa baılanysty aı saıyn ózgerip otyrady. Eger naýryz aıynda bul jumystarǵa 19 myń medısına qyzmetkeri tartylsa, shilde aıynda olardyń sany 79 myńǵa jetti. Naqtyraq aıtsaq, naýryzda 19 340 medısına qyzmetkeri – 3,4 mlrd teńge, sáýirde 42 926 – 7,6 mlrd teńge, mamyrda 40 416 – 8,7 mlrd teńge, maýsymda 53 160 – 12,3 mlrd teńge, shildede 78 963 – 24,9 mlrd teńge, tamyzda 66 249 maman 16,8 mlrd teńge mólsherinde qosymsha tólem aldy.
«Memleket basshysy halyqqa Joldaýynda densaýlyq saqtaý uıymdarynyń qyzmetkerlerine osy jyldyń ekinshi jartyjyldyǵyna yntalandyrý ústemeaqylaryn tóleýge 150 mlrd teńge bólýdi tapsyrdy. Osy tapsyrmany oryndaý úshin qor jyl sońyna deıin medısına qyzmetkerlerine ústemeaqy tóleý úshin qarjylandyrý qajettigine boljamdyq esepteýler júrgizdi. Qajetti qarjy shamamen 135 mlrd teńgeni quraıdy. Qor pandemııanyń kúrdeli jaǵdaıynda aldyńǵy qatarda turǵan áriptesterimizge ústemeaqyny ýaqtyly jáne jedel tóleý boıynsha óz jumysyn jalǵastyrady», dedi qor basshysy.
Sonymen qatar KVI juqtyrǵan medısına qyzmetkerleriniń 81%-y, ıaǵnı 4 550 adam ótemaqy alǵan eken. Mundaı derekti DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev keltirdi.
12 830 medısına qyzmetkeri COVID-19 jáne pnevmonııamen aýyrsa, onyń ishinde 8 442 maman indetti jumysta júrip juqtyrǵan. О́ńirlik komıssııalar ólim jaǵdaılary boıynsha 182 ótinimniń 82 jaǵdaıyn qarady. Jalpy, ótemaqyny 45 otbasy nemese Eńbek mınıstrligi men Densaýlyq saqtaý mınıstrligi rastaǵan ótinishterdiń 82%-y aldy.
О́tinishterdi qaraýdy jedeldetý maqsatynda Densaýlyq saqtaý mınıstrligi jumys tobyn qurdy. Onyń músheleri onlaın rejimde qabyldanbaǵan ótinimderdiń árbir faktisin qarady, sebepterin, buzýshylyqtardy túsindi. Nátıjesinde, qabyldanbaǵan ótinimder sany 2 ese azaıdy. Kún saıyn derekter jańartylady.
