Aımaqtar • 08 Qazan, 2020

Gúlshara Ábdiqalyqova Qyzylorda qalasyndaǵy birqatar nysandy aralady

31 ret kórsetildi

Oblys ákimi Gúlshara Ábdiqalyqova jylý maýsymynyń bastalýy qarsańynda Qyzylorda qalasyndaǵy birqatar nysandy aralady. О́ńir basshysy aldymen ońtústik bý qazandyǵynda boldy. Qaladaǵy 197-i kóp qabatty úı, 5 balabaqsha, 10 medısınalyq mekeme, barlyǵy 763 nysan jylýdy osy qazandyqtan alyp otyr. Jylý qazandyǵy gazben jylytylady, rezervtik  otyn retinde 644 tonna mazýt alynǵan. Aımaq basshysy daıyndyq jumystaryn der kezinde aıaqtap, qala turǵyndaryn ýaqytyly jylýmen qamtýdy qatań tapsyrdy, dep habarlaıdy Egemen.kz.

Munan keıin G.Ábdiqalyqova Á.Bókeıhan kóshesinde "Nurly jer" baǵdarlamasy aıasynda júzege asyrylyp jatqan ÝT-15A magıstraldy jylý jelilerin qaıta qurý jobasyn nazarǵa aldy. Uzyndyǵy 1 567 metr jylý jelisin "Avangard" JShS qaıta júrgizýde.

"Pandemııa ýaqytynda biz turǵyndardyń densaýlyǵyna asa mán berýimiz qajet. Qazirgi ýaqytta kún sýyp keledi. Sondyqtan qala halqyna der kezinde jylý berilý kerek. Ol úshin merdiger mekeme osy jumysty 10 qazanǵa deıin aıaqtaýy qajet", - dedi óńir basshysy.

Sondaı-aq oblys ákimi №15 Avtonomdy blokty-modýldi qazandyǵynyń jumysyn da kórdi. "Araı-2" shaǵyn aýdanynda ornalasqan "Qyzylordajylýelektrortalyǵyna"  qarasty qazandyq 2015 jyly paıdalanýǵa berilgen. Osy aýdandaǵy 19 kópqabatty úıdi jylýmen qamtamasyz etedi.

Syrdarııanyń sol jaǵalaýyndaǵy úılerdi jylýmen qamtamasyz etetin avtonomdy blokty-modýldi qazandyǵynyń qurylysy da 15 qazanǵa deıin tolyq aıaqtalady dep josparlanýda. Búginde 2 sý qoımasynyń qurylys-montaj jumystary, qazandyqqa qajetti joǵarǵy qysymdy gaz qubyrlaryn, aýyz sý qubyrlaryn tartyp, qazandyqty montajdaý, ǵımarattyń ishki bólmelerin salý, morjalarynyń montajdaý jumystary júrgizilgen. Kelisimshart boıynsha qurylysty aıaqtaý jeltoqsan aıy dep belgilengenmen, merdiger mekeme jylý maýsymynyń bastalýyna deıin jumysty tolyq oryndaıtyndyǵyn jetkizdi. Aımaq basshysy qazandyq qurylysyn sapaly aıaqtap, sol jaǵalaýdaǵy 32 kópqabatty úı men 2 áleýmettik nysandy der kezinde jylý júıesine qosýdy tapsyrdy.

Oblys ákimi "Qyzylordajylýelektrortalyǵyna" da bardy. Ortalyqtyń bıylǵy maýsymǵa negizgi jabdyqtaryn daıyndaý maqsatynda "Jumyspen qamtý 2020 Jol kartasy" baǵdarlamasy sheńberinde 1022 mln teńge bólingen. Osynyń arqasynda 156 adam jumysqa ornalasty. Atalmysh jylýmen jabdyqtaý aımaǵynyń jylý energııasyn 995 nysan tutynady. Onyń ishinde 365 kópqabatty úı, 29 mektep, 13 balabaqsha, 9 medısınalyq mekemeni jylýmen qamtamasyz etedi. Sonymen qatar, qýattylyǵy 113,2 Mvt elektr energııasyn óndiredi.

Aımaq basshysy 200 orynǵa arnalǵan modýldik úlgidegi juqpaly aýrýlar aýrýhanasynyń da qurylysymen tanysty. 

Sońǵy jańalyqtar

Qarsylasyn 7 raýnd boıy sabady

Kásipqoı boks • Keshe

Úshinshi jeńilis

Jekpe-jek • Keshe

Baıden Toqaevty el táýelsizdiginiń 30 jyldyǵymen quttyqtady

Táýelsizdiktiń 30 jyldyǵy • 04 Jeltoqsan, 2021

Irak bıligi bosqyndardy ushaqpen alyp ketti

Álem • 04 Jeltoqsan, 2021

Omıkron shtammy Zambııaǵa jetti

Álem • 04 Jeltoqsan, 2021

Josparyn joqqa shyǵardy

Kásipqoı boks • 04 Jeltoqsan, 2021

Kópirden sekirip ólmek boldy

Aımaqtar • 04 Jeltoqsan, 2021

Úzdik ondyqta Golovkın joq

Kásipqoı boks • 04 Jeltoqsan, 2021

Pikirsaıys týrnıri bastaldy

Elorda • 04 Jeltoqsan, 2021

Qazaqstan áskerinde jańa oqý jyly bastaldy

Qazaqstan • 04 Jeltoqsan, 2021

Mektep oqýshysy mert boldy

Aımaqtar • 04 Jeltoqsan, 2021

AQSh sanksııa engizýdi toqtatar emes

Álem • 04 Jeltoqsan, 2021

Hattonnyń uly Attılany atynan túsirdi

Kásipqoı boks • 04 Jeltoqsan, 2021

Jekpe-jeksiz ótken alǵashqy jyl

Kásipqoı boks • 04 Jeltoqsan, 2021

Uqsas jańalyqtar