Joba 23,4 mlrd. teńge ınvestısııa mólsherimen "Qarapaıym zattar ekonomıkasy" baǵdarlamasy sheńberinde iske asyrylýda.
Jylyna kólemi 450 ml bolatyn 750 mln alıýmınııalyq bankilerdi jáne sýsyndar úshin qaqpaqtardy óndirý josparlanýda. Jobada osyndaı jabdyqty óndirýdegi álemdik kóshbasshy – "Stolle Machinery" (AQSh) kompanııasynyń eń zamanaýı tehnologııasy qoldanylatyn bolady.
Zaýyt ónimi ımportty almastyratyn ónim bolyp tabylady jáne otandyq tamaq ónerkásibiniń alıýmınıelik bankige qajettiligin 75%-yn jabýǵa múmkindik beredi. Shyǵarylatyn jalpy kólemniń 10% ónimin eksporttaý boljanýda.
Aýdany 22 myń sharshy metr bolatyn zaýytta uzyndyǵy 800 metr óndiristik jeli ornalastyrylady, ol 13 óndiristik operasııalardan jáne birqatar sapany tekserý júıelerinen turady.
Jobada tolyq avtomattandyrylǵan júıelerdi jáne ólshem jabdyqtaryn qoldaný qarastyrylǵan, osynyń arqasynda óndiristik jeliniń jyldamdyǵy sekýndyna 50 banki jáne qaqpaqty nemese mınýtyna 3000 danany quraıdy.
Qazaqstan Respýblıkasy Indýstrııa jáne ınfraqurylymdyq damý mınıstri Beıbit Bákiruly Atamqulov kásiporyndardy ózimizdiń shıkizatpen qamtamasyz etý maqsatynda kompanııa basshylyǵyna otandyq metall óndirýshilerdi qoldanýmen alıýmınıı prokatynyń óndirisin ıgerýdi usyndy.
О́ndiristi 170 jumys ornyn qurýmen 2021 jyldyń aıaǵynda iske qosý josparlanyp otyr.
