Bıznes • 08 Qazan, 2020

"Bıznestiń jol kartasy" granty ıegerleri elordada qandaı bıznesti damytady?

20 ret kórsetildi

Nur-Sultanda "Bıznestiń jol kartasy" boıynsha memlekettik grant ıegerleri jobalaryn júzege asyra bastady, dep habarlaıdy Egemen.kz ákimdiktiń resmı saıtyna silteme jasap.

Baıqaý jeńimpazdarynyń biri, QMOBOT negizin qalaýshy Kenjeǵalı Nurǵalıev qarajatqa óz óniminiń tolyq óndiristik sıklyn qurýdy josparlap otyr. Kompanııa mobıldi robottar shyǵarýǵa mamandandyrylǵan, olar boıynsha mektep oqýshylary IT tehnologııalar men baǵdarlamalaýdy meńgeredi, al stýdentter men jas ǵalymdar tájirıbe jasaı alady.

«Bizdiń kompanııa bir jyldan beri jumys isteıdi. Robot dızaıny, baǵdarlamalyq jasaqtama jáne bilim berý mazmuny avtorlyq quqyqpen qorǵalǵan bizdiń dızaınymyz. Biz qazirdiń ózinde satýdamyz. Grant qarajaty esebinen robottar óndirisin keńeıtip, veb-saıttaǵy oqý materıaldarynyń kólemin arttyrýdy josparlap otyrmyz. Qazirdiń ózinde Almatyda plastıkalyq korpýsty qalyptaıtyn seriktester taptyq. Iаǵnı, ónimimizdi óndiriske jiberýdi, sondaı-aq bilim berý kýrstarymyzdy keńinen taratýdy josparlap otyrmyz», - deıdi Kenjeǵalı Nurǵalıev.

Búginde IT-tehnologııalarǵa suranys óte joǵary. Kásipker QMOBOT bilim berý ónimi Lego Education sııaqty alyptarmen básekege túse alatynyna senimdi.

Taǵy bir grant ıegeri Zámzegúl Beısembaeva elordada ınnovasııalyq jabdyq - HENGTAL 1500 stanogy negizinde dánekerlengen torlar óndirisin bastaýdy josparlap otyr.

«Jeti jyl keńse qyzmetinen soń ózim úshin jumys jasaǵym keletinin túsindim. On jyldan beri metall prokatymen aınalystym. Osy ýaqytta taýarlardyń sapasyna qatysty shaǵymdarmen jıi aınalysýǵa týra keldi. Sapasy shynymen de nashar boldy. О́zimniń óndirisimdi ashýdy oıladym. Aldymen armatýra óndirisi úshin «Atameken» UKP grantyn jeńip aldym. Bul ónimderdi shyǵaryp jatqanymyzǵa eki jyl boldy. Osy jyly men óndiristi keńeıtip, dánekerlengen tor óndirýdi bastaýdy sheshtim. «Bıznestiń jol kartasy» baǵdarlamasyna qatysýǵa ótinish berip, grant aldym», - deıdi Zámzegúl Beısembaeva.

Dánekerlengen tor Qazaqstanda óndirilmeıdi. Negizinen taýarlar shetelden ákelinedi jáne olarǵa degen suranys joǵary. О́nimder qurylysta, ónerkásiptik zaýyttarda, qus fabrıkalarynda qajet. Úı sharýashylyǵynda da paıdalanýǵa bolady. Mysaly, qorshaý retinde.

Búginde seh tor shyǵarýǵa daıyn, jaqyn kúnderi stanoktar kelýi kerek. Kásipker qazirdiń ózinde tapsyrys alyp, jumysshylar jaldaýǵa daıyndalýda. Eske sala keteıik, Nur-Sultanda ótken «Bıznestiń jol kartasy - 2025» baıqaýynyń qorytyndysy boıynsha 57 grant ıegeri anyqtaldy.

Qazaqstanda «Bıznestiń jol kartasy» baǵdarlamasy 2010 jyldan beri jumys isteıdi. Onyń bir baǵytyn ákimdikter qadaǵalaıdy. Jergilikti atqarýshy organdar bızneske granttarmen jáne ınfraqurylymdyq qoldaýmen kómek kórsetedi. Granttar konkýrstaryna kásipkerler de, óz isin ashqysy keletin qazaqstandyqtar da, onyń ishinde áıelder, múmkindigi shekteýli adamdar jáne 50 jastan asqan adamdar qatysa alady.

Sońǵy jańalyqtar

Erbosynulyn aýyr synaq kútip tur

Kásipqoı boks • Búgin, 18:55

Bes oblysta qolaısyz aýa raıy kútiledi

Qazaqstan • Búgin, 18:35

Maıdannan 10 uly aman oralǵan ana

Tarıh • Búgin, 17:25

Shymkentte karantın merzimi uzartyldy

Aımaqtar • Búgin, 17:20

Aqmola oblysynda mektep órtendi

Aımaqtar • Búgin, 15:29

Qazaqstanda jańa salyqtar engiziledi

Qazaqstan • Búgin, 15:16

44 zańǵa ózgerister engizilýi múmkin

Parlament • Búgin, 14:58

Mınasıan bas bapker qyzmetinen ketti

Fýtbol • Búgin, 14:53

Oralda 10 jasar qyzdy kólik qaǵyp ketti

Aımaqtar • Búgin, 14:37

Ekpe saldyrýda belsendilik baıqalady

Koronavırýs • Búgin, 14:10

Qaraǵandyda 107 keli balyq tárkilendi

Aımaqtar • Búgin, 13:41

Charlo shaıqasqa shaqyrýdan sharshamaıdy

Kásipqoı boks • Búgin, 13:27

Almaty «qyzyl» aımaqtan qashan shyǵady?

Koronavırýs • Búgin, 12:58

Uqsas jańalyqtar