Elorda • 09 Qazan, 2020

Nur-Sultanda qudyq qaqpaqtary urlanǵan jaǵdaıda olardy datchıkter anyqtaı alady

217 ret

kórsetildi

1 mın

oqý úshin

Qudyqtardaǵy qaqpaqtar urlanbas úshin elorda ákimdigi testilik rejimde qaqpaqtardyń ashylýyn ǵana emes, olardyń onlaın rejiminde qozǵalýyn da tirkeıtin datchıkterdiń jumysyn zerttep jatyr. Osyndaı smart datchıkter nóser kárizderiniń birqatar qudyqtaryna ornatylǵan, dep habarlaıdy Egemen.kz elorda ákimdigine silteme jasap.

Aıym DÁÝIT

Nur-Sultanda qudyq qaqpaqtary urlanǵan jaǵdaıda olardy datchıkter anyqtaı alady

Datchıkterdiń jumys prınsıpi olardyń koordınattar júıesinde ornalasýyn baǵdarlamalaýǵa negizdelgen. Koordınattar júıesi 10 jáne odan da kóp gradýsqa aýytqyǵan kezde datchık aqparattyq júıede, sondaı-aq Telegram mobıldi qosymshasynda kórsetiletin dabyl sıgnalyn beredi.

Qudyq qaqpaǵy urlanǵan jaǵdaıda, aqparattyq júıede onyń qozǵalys traektorııasy kórsetiledi. Datchıkti qaqpaqqa bekitý arqyly sý basýdan jáne bógde adamdardyń ony julyp áketýinen qorǵaıdy.

Osylaısha, bul júıe óziniń tıimdiligin kórsetip, quqyq qorǵaý organdarynyń kúshimen 2020 jyldyń 11 qyrkúıeginde shoıyn qaqpaqtardy urlaǵandar ustaldy. Aqparattyq júıege qaqpaqtar qozǵalysynyń sıgnaly men traektorııasy, olardyń sońǵy ornalasqan jeri kórsetildi. Urlyq boıynsha 188-bap, 2-bólim 1-tarmaq boıynsha is qozǵaldy.