Anar Jaılǵanova BUU Damý baǵdarlamasymen yntymaqtastyq vedomstvo qyzmetiniń mańyzdy quramdas bóligi bolyp tabylatynyn atap ótip, Agenttiktiń bastamalaryn qoldaǵany úshin alǵysyn bildirdi.
"BUUDB qoldaýymen bıyl memlekettik qyzmet kórsetý sapasyn qoǵamdyq monıtorıngileý, memlekettik qyzmetti etıkalandyrýdyń halyqaralyq standarttaryn eskere otyryp, jańa Ádep kodeksiniń tujyrymdamasyn ázirleý, iQyzmet platformasynyń pılottyq nusqasyn ázirleý jáne basqa da jobalar iske asyrylýda", dep atap ótti agenttik tóraǵasy.
Sondaı-aq onlaın kezdesý barysynda Anar Jaılǵanova aǵymdaǵy jyldyń qyrkúıek aıynda Memleket basshysynyń Joldaýynda aıtylǵan tapsyrmalardyń mańyzdylyǵyn atap ótip, agenttik osy baǵytta tıisti mehanızmder men tıimdi tásilderdi iske asyryp jatqandyǵy týraly habarlady.
Agenttik basshylyǵymen jyl saıynǵy kezdesýlerdi nazarǵa ala otyryp, BUUDB-nyń Qazaqstandaǵy Turaqty ókili Iаkýp Berısh Anar Jaılǵanovaǵa joǵary senim men áriptestikke negizdelgen yntymaqtastyǵy úshin alǵys aıtyp, agenttiktiń ótken jylǵy qyzmetiniń negizgi baǵyttaryn iske asyrýdaǵy jetistikterin atap ótti. Sonymen qatar, Iаkýp Berısh pandemııa kezinde Qazaqstannyń memlekettik apparatynyń saýattyjáne tıimdi jumysyn tilge tıek etti.
Sondaı-aq, ol qazirgi ýaqytta memlekettik qyzmetterdi kórsetý sapasyna, rásimderine jáne qoljetimdiligine qyzmet alýshylardyń qanaǵattaný deńgeıine qoǵamdyq monıtorıng júrgizilip jatqanyn habarlady.
Áleýmettik zertteý nátıjesinde barlyq memlekettik organdar men "Azamattarǵa arnalǵan úkimet" memlekettik korporasııasy kórsetetin 70 memlekettik qyzmettiń sapasy men qoljetimdiligine qatysty 9000 respondentpen saýalnama ótkiziletinbolady, onyń nátıjeleri 2020 jylǵy jeltoqsanda jarııalanady.
Sondaı-aq, BUUDB ókili memlekettik qyzmetshilerdiń ádeptilik deńgeıin anyqtaý boıynsha 7000 respondent arasyndaǵy áleýmettik saýalnama týraly aıtyp berdi.
Zertteý nátıjesinde halyqtyń, kásipkerlerdiń jáne saraptamalyq qoǵamdastyq ókilderiniń memlekettik qyzmetshilerdiń ádeptilik deńgeıin, onyń ishinde halyq pen kásipkerlerdiń memlekettik qyzmetshilerdiń qyzmettik jáne qyzmetten tys ýaqyttaǵy minez-qulqyna qanaǵattanýshylyǵyn qabyldaýy aıqyndalatyn bolady.
О́z kezeginde, Agenttik dúnıejúzilik banktiń qoldaýymen COVID-19 rejıminde jumys isteý boıynsha memlekettik qyzmetshilerge saýalnama júrgizdi. Qazaqstan boıynsha 32 myńnan astam memlekettik qyzmetshi saýalnamadan ótti. Saýalnama nátıjelerin taldaý tıisti usynystardy ázirleýge qyzmet etedi.
Taraptar sondaı-aq BUUDB qoldaýymen iske asyrylyp jatqan iQyzmet kadrlyq prosesterin avtomattandyrý boıynsha jobany talqylady, bul olardyń tıimdiligin aıtarlyqtaı arttyrýǵa baǵyttalǵan.
Osyǵan baılanysty BUUDB ókili mundaı jobalar pandemııanyń teris saldaryn azaıtý áleýetin nyǵaıtý jónindegi uıymnyń basymdyqtarymen sáıkes keletinin atap ótti.
Kezdesý qorytyndysy boıynsha Agenttik tóraǵasy men BUUDB Turaqty ókili memlekettik qyzmetti jetildirý jáne Qazaqstanda memlekettik qyzmet kórsetý sapasyn baqylaý máseleleri boıynsha, ásirese, pandemııa jaǵdaıynda memlekettik apparatty qoldaý sharalaryn ázirleýde odan ári tyǵyz yntymaqtastyqqa daıyn ekendikterin bildirdi.
