Joba aıasynda aýyldyq jerge jumysqa ornalasqan árbir azamatqa 100 aıylyq eseptik kórsetkishke teń bir jolǵy kóterme járdemaqy tólenedi. Sonymen qatar turǵyn úı salýǵa nemese satyp alý úshin 1500 AEK-ten aspaıtyn 15 jylǵa deıingi merzimge 0,01 paıyzben nesıe túrinde áleýmettik qoldaý kórsetiledi.
О́tken 2019 jyly "Dıplommen aýylǵa" jobasy aıasynda aýyldyq eldi-mekenderge jumysqa ornalasqan bilim, densaýlyq saqtaý, mádenıet, sport, áleýmettik qamsyzdandyrý, agroónerkásiptik keshen salacyndaǵy 422 mamanǵa bir jolǵy kóterme járdemaqy tóleýge 73,8 mln teńge,jeńildetilgen nesıemen turǵyn úı alýǵa nemese salýǵa 503 mamanǵa 1 mlrd 905 mln teńge berilgen. Al, 2020 jylǵa 501 mamanǵa bir jolǵy kóterme járdemaqy tóleýge 126,8 mln teńge, jeńildetilgen nesıemen turǵyn úı alýǵa nemese salýǵa 544 mamanǵa 2 mlrd 250 mln teńge bólingen. Qazirgi tańda 392 mamanǵa 107,1 mln teńge kóleminde bir jolǵy kóterme járdemaqy tabystalǵan. Turǵyn úı salýǵa nemese satyp alýǵa ótinish bergen 372 jas mamanǵa 1 mlrd 481 mln teńge nesıe túrinde áleýmettik qoldaý kórsetildi.
Jobaǵa engizilgen sońǵy ózgertýlerge baılanysty "Dıplommen aýylǵa" jobasy aıasynda eldi-mekenge jumysqa ornalasqan azamattar burynǵysynsha ata-anasy nemese jaqyn týystarynyń úıin satyp ala almaıdy. Sonymen qatar mamandar kredıttik bıýrodan nesıe tarıhyn usynady jáne kez-kelgen nesıe boıynsha bereshegi bolǵan jaǵdaıda olardy tolyq ótegenge deıin turǵyn úı satyp alýǵa nemese salýǵa jeńildetilgen nesıe berilmeıdi. Áleýmettik qoldaý sharalary usynylǵan maman eldi-mekende keminde 3 jyl jumys isteýge mindetteledi.
