Apparat otyrysynda "Nur Otan" partııasy Túrkistan oblystyq fılıaly tóraǵasynyń birinshi orynbasary Beısen Tájibaev partııaishilik praımerızdiń qoǵamnan qyzý qoldaý tapqanyn baıandady. Irikteýge 1074 adam túsken. 1-4 qazan aralyǵynda ótken daýys berýge 78 262 partııa múshesi qatysady dep josparlanyp, olar 245 bastaýysh partııa uıymdaryna bekitilgen. Oblystyń aýdan, qalalarynda ashylǵan 209 daýys berý oryndarynda karantın taraptary qatań saqtaldy.
Túrkistan oblysynda koronavırýstyń ekinshi tolqynyna daıyndyq kúsheıdi. Indet qaıta beleń alǵan jaǵdaıda dári tapshylyǵy bolmas úshin eki aılyq qor jınalyp, oblys aýrýhanalary tynys alý apparattarymen qamtylýda. Qosymsha tósek-oryndar qajet bolǵan jaǵdaıda onyń sany 5,5 myńǵa deıin jetkiziledi. Oblys basshysynyń tapsyrmasymen aýdandyq aýrýhanalar kompıýterlik tomografpen, PTR zerthanalarymen jáne sıfrlyq rentgendermen jabdyqtaldy. О́kpeni jasandy jeldetý apparattary men ottegi konsentrattary da ár aýdandaǵy emdeý mekemelerine taratylǵan. 12 jyljymaly medısınalyq keshen aýdandarǵa jetkizilýde. Naýqastardy der kezinde anyqtap, qyzmet kórsetý maqsatynda arnaıy ýchaskeler men mobıldi toptar qurylǵan. Túrkistan oblysy Polısııa departamenti óńirdiń Bas sanıtarlyq dárigeriniń oblysta qatań karantındik shekteý sharalaryn engizý qaýlysyna sáıkes kúsheıtilgen túrde jumystar atqarýda.
Túrkistan oblysy boıynsha aýyl sharýashylyǵy – jalpy óńirlik ónimniń 20% quraıtyn oblystyń basymdy salasy. О́ndiriletin jergilikti kókónis, baqsha, jemis-jıdek, et, sút ónimderimen oblys turǵyndary artyǵymen qamtamasyz etiledi. Al qus eti jáne jumyrtqamen qamtamasyz etý kólemi ortasha 35 % quraıdy. Halyqqa jergilikti ónimderdiń qoljetimdiligin arttyrý baǵytyndaǵy jumystar turaqty baqylaýda jáne áleýmettik mańyzy bar azyq-túlik taýarlarynyń baǵasyn negizsiz ósirmeý boıynsha tıisti sharalar atqarylýda.
