Máselen, qyzmetker men kelýshiniń arasyna arnaıy tereze ornatyldy. Sondaı-aq qazirgi tańda kez-kelgen azamat ózine qajetti qyzmetke 1414 call-ortalyǵy arqyly onlaın bron jasaı alady. Bul da uıaly telefonmen nemese mobıldi qosymshalarmen áli de paıdalana almaıtyn adamdarǵa jasalǵan múmkindik.
"Oblys boıynsha memlekettik qyzmetterdi kórsetýdi 11 front-ofıs, 1 sektor, 1 ókildik jáne 3 mobıldik halyqqa qyzmet kórsetýdi júzege asyrady. Memlekettik qyzmetter reestrindegi 694 qyzmettiń 608-i memlekettik korporasııa arqyly, onyń 567 elektrondy túrde kórsetiledi. Búgingi kúnge 59 qyzmet EGov mobıldi qosymshasy arqyly jáne elektrondy úkimet portalynda 52 kyzmet bir rettik parol arqyly koljetimdi. Sonymen qatar Telegram mobıldi qosymshasy arqyly 26, VK, Facebook arqyly 24 qyzmet qoljetimdi. Elektrondy qyzmetterge degen suranystyń kúrt ósýi COVID-19 pandemııasy men tótenshe jaǵdaı kezinde halyqqa qyzmet kórsetý ortalyqtarynyń jabylýyna baılanysty boldy", - dedi A. Muzbaev.
