Júk eksporty – 4 mln tonnany, ımport – 6,8 mln tonnany qurap, 905 myń tonna tranzıttik júk tasymaldandy.
2020 jylǵy qańtar-qyrkúıek aılarynda respýblıka ishinde avtokólikpen 7,3 mlrd jolaýshy jáne 2,3 mlrd tonna júk tasymaldandy.
El aýmaǵynda koronavırýstyq ınfeksııanyń taralýyna jáne pandemııanyń damýyna jol bermeý maqsatynda Úkimet qabyldaǵan karantındik sharalardan ishki jolaýshylar aınalymy eki esege azaıyp, avtomobılmen ishki júk tasymaly kólemi 8 % tómendedi.
Úkimet tapsyrmasy boıynsha tótenshe jaǵdaı jáne karantın ýaqytynda QR Indýstrııa jáne ınfraqurylymdyq damý mınıstrligi mynadaı sharalar qabyldady:
- QHR, Reseı, Qyrǵyzstan, О́zbekstan, Tájikstan jáne Mońǵolııamen 117 turaqty avtobýs baǵyty toqtatyldy;
- halyqaralyq jáne tranzıttik jolaýshylar tasymalyna tyıym salynady;
- óńirlerge/óńirlerden jolaýshylardy oblysaralyq jáne qalaaralyq tasymaldaý toqtatyldy;
- óńirlerde avtovokzaldar men avtostansııalardyń jumysy toqtatyldy;
-oblystardyń, Nur-sultan, Almaty jáne Shymkent qalalarynyń ákimdikterine TJ rejımi kezeńinde óńirlerde avtomobıl kóligimen jolaýshylardy tasymaldaýdy shekteý jóninde usynymdar jiberildi;
- Reseı jáne О́zbekstanmen memlekettik shekara arqyly ótetin 12 jeke avtomobıl ótkizý pýnkti ýaqytsha jabyldy.
- shet memleketterdiń quzyretti kólik organdaryna halyqaralyq qatynasta júkterdi tasymaldaý kezinde sanıtarııalyq is-sharalardy saqtaý qajettiligi týraly usynymdar jiberildi;
Bul rette, halyqaralyq jáne respýblıkaishilik qatynasta avtokólik quraldarymen júkterdi tasymaldaýǵa shekteýler engizilmegenin atap ótken jón.
Aǵymdaǵy jyldyń 31 tamyzynan bastap QR Úkimetiniń sheshimimen oblysishilik qalaaralyq avtobýs tasymaldary qaıta jandandy.
Memlekettik qoldaý kórsetý maqsatynda áleýmettik mańyzy bar avtobýs qatynastaryn QQS tóleýden bosatý boıynsha jumystar júrgizilýde. Zań jobasy QR Parlamenti Senatynyń qaraýynda.
Sondaı-aq, Mınıstrlik avtomobıl kóliginde qalalyq jolaýshylar tasymalyn damytý jónindegi sharalar keshenin ázirlendi. Onda áleýmettik mańyzy bar marshrýttardy tolyq sýbsıdııalaýdy qamtamasyz etý jónindegi is-sharalar kózdelgen. Atalǵan sharalar keshenin QR Premer-Mınıstriniń ókimimen bekitý josparlanýda.
Halyqaralyq naryqta básekege qabilettilikti arttyrý úshin otandyq tasymaldaýshylar aǵymdaǵy jyldyń sońyna deıin ershikti tartqyshtardy satyp alý kezinde bastapqy tirkeý úshin alymnan bosatyldy.
Jalpy elimizde júk jáne jolaýshylar tasymaly salasynda 4,5 myń kompanııa jumys isteıdi. Olardyń 17,5 myńnan astam avtokólik quraly bar.
