Qazirgi tańda otandyq kınoındýstrııaǵa arnalǵan jańa kadrlar ustahanasynyń tujyrymdamasy, maqsattary, mindetteri jáne oqý baǵdarlamasy ázir. Qatysýshylarǵa «rejıssýra», «kıno óneri», «kıno dramatýrgııasy», «montaj», «operatorlyq óner» pánderi boıynsha bilim berilmek. Sondaı-aq «Kıno jáne kıno týraly 24 saǵat nemese kıno óndirisiniń negizderi» jáne «Mýzykalyq klıp akteri» atty qos aýqymdy joba aıasynda oqytý josparlanýda.
«Kıno mektebi – barlyq óner túrin qamtıtyn biregeı alań. Jalpyǵa ortaq jarııalylyq pen jahandaný dáýirinde smartfony bar ár adam medıa tulǵaǵa aınalýda. Medıa kontentti qurý prosesi edáýir jeńildetildi, degenmen on jyl buryn oǵan kem degende bir aı ýaqyt ketse, búginde eń kóp degende bir kúnińdi alady. Internet keńistigi sapasy kún saıyn tómendep bara jatqan medıa kontentke toly, al oǵan degen suranys kerisinshe ósýde. Osyǵan baılanysty, Kıno mektebi bilim bere otyryp, óndiristik prosesterdi qamtamasyz etedi», deıdi jobany uıymdastyrýshylar.
Kıno mektebinde oqýǵa qyzyǵýshylyq tanytatyndar úshin arnaıy talaptar bekitilgen. Tyńdaýshynyń jasy 16-dan kem bolmaýy kerek. Bolashaq kınematografıst kásibı quzyrettilikke ıe bolýǵa jáne shyǵarmashylyq kýrstardan ótýge jaýapkershilikpen qaraýǵa daıyn bolýy tıis. Al kýrs oqytýshylaryna qatysty da naqty talaptar qoıylǵan, qazir Ulttyq kınony qoldaý memlekettik ortalyǵy men Sháken Aımanov atyndaǵy «Qazaqfılm» kınostýdııasy irikteý jumystaryn júrgizip jatyr.
