Aımaqtar • 16 Qazan, 2020

Aq oramaldy analar aksııasy ótti

159 ret kórsetildi

Qyzylorda qalasyndaǵy Dostyq úıinde "Boıtumar-Hanym" qoǵamdyq qory, oblystyq Qazaqstan halqy Assambleıasy janyndaǵy Analar keńesi jáne oblystyq isker áıelder qaýymdastyǵynyń  uıymdastyrýymen "Aq oramal – izettiliktiń, ınabattylyqtyń belgisi" aksııasy bolyp ótti. Aksııaǵa "Bastańǵy" ájeler ansambli, etnomádenı birlestiktiń músheleri,  oblystyq QHA janyndaǵy Analar keńesiniń belsendileri jáne BAQ ókilderi qatysty.

Taǵylymy mol aksııa Dostyq úıiniń foıesinde Tasbóget kentindegi Sabıra Maıqanova atyndaǵy mádenıet úıiniń "Bastańǵy" ájeler ansambliniń án-shashýymen bastaý aldy. "Jańǵyrý joly" jastar qozǵalysynyń belsendi múshesi Konstantın Lýsa "Ana týraly jyr" ánin aq jaýlyqty analarǵa arnady.

Oblystyq QHA janyndaǵy Analar keńesi 2014 jyly qurylǵan. Qurylǵan kúnnen bastap keńes músheleri otbasy mártebesin kóterýge, shańyraq qundylyqtaryn dáripteýge, urpaq tárbıesine baılanysty kóptegen is-sharalar uıymdastyryp keledi. Oblys boıynsha 118 analar keńesi jumys jasaıdy.  

Qatysýshylar Analar keńesiniń atqarǵan jumystarymen tanysyp, sýretter kórmesin tamashalady.

"Boıtumar-Hanym" qoǵamdyq qorynyń tóraıymy, Analar keńesiniń múshesi Rahıma Ahmetova qatysýshylarǵa alǵysyn bildire otyryp, ananyń qoǵamdaǵy róli, "Aq oramal" jobasynyń mańyzdylyǵyna toqtalyp ótti.  

Aksııa aıasynda «Baýyrsaq party» uıymdastyryldy. Aksııaǵa qatysýshylar oblystyq balalar aýrýhanasynyń aýlasyna 300-ge jýyq Syr taly men jemis aǵashtaryn ekti.

 

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar