Aımaqtar • 16 Qazan, 2020

Únemdelgen qarjy gaz júrgizý men kópbalaly otbasylarǵa úı salýǵa jumsalady

636 ret kórsetildi

Jyl sońynda únemdelgen oblystyq bıýdjet qarjysy  Yrǵyz aýdanynyń Aqshı, Qurylys, Sheńbertal aýyldaryna gaz qubyryn júrgizýge, az qamtylǵan jáne kóp balaly otbasylar úshin  úı salýǵa, qan aýrýyna shaldyqqan balalardy  emdeıtin stasıonar qurylysyna jumsalatyn boldy.  Bul  týraly  oblystyq máslıhattyń  kezekten tys 46-shy sessııasynda belgili boldy, dep habarlaıdy  Egemen.kz

Jyl  basynda josparlanǵan kóptegen mádenı, sporttyq is-sharalar pandemııaǵa baılanysty  ótpeı qaldy jáne birqatar   bıýdjettik baǵdarlama shyǵyndary qysqartýǵa ushyrady. Osynyń esebinen jyl sońynda   únemdelgen qarjy  somasy  6,4 mıllıard teńgeni qurady.  Máslıhat depýtattary únemdelgen qarjynyń  740 mıllıon teńgesin eldimekenderdiń ınfraqurylymdyq jobalaryn  aıaqtaýǵa   qaıta bólýdi maquldady.  Solardyń biri –ótken jyly aıaqtalýǵa tıis bolsa da,  merdigerdiń jaýapsyzdyǵynan  toqtap qalǵan Yrǵyz aýdanynyń Aqshı, Sheńbertal, Qurylys eldimekenderine gaz qubyryn júrgizý jobasy.

Sondaı-aq únemdelgen qarjydan  az qamtylǵan jáne kóp balaly otbasylar úshin  qoljetimdi  páterler salýǵa qosymsha  400 mıllıon teńge  bólindi.  Budan ózge  Aqtóbe qalasynyń túbindegi Jańaqonys eldimekeninde 140 páterlik jataqhana salynatyn boldy. Munyń bıýdjeti 100  mıllıon teńgeni quraıdy.  Oblystyq balalar aýrýhanasynyń qan aýrýyna shaldyqqan balalardy emdeýge arnalǵan 100 kereýettik stasıonar qurylysyna  da qosymsha 255 mıllıon teńge bólindi.

Bıyl oblysta jol qurylysyna baılanysty respýblıkalyq bıýdjettiń 700 mıllıon teńgesi ıgerilmeı qaldy. Baǵdarlama úılestirýshisi – oblystyq  jolaýshylar kóligi jáne avtomobıl joldary basqarmasy osy qarjyny respýblıkalyq bıýdjetke shuǵyl túrde qaıtaratyn boldy.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar