Atap aıtqanda, qazaqstandyq delegasııa О́zbekstandaǵy birneshe Agro-Logıstıkalyq Ortalyqtaryn(ALO) aralady.
Qazirgi ýaqytta О́zbekistanda ózderiniń baqshalarynan, egistikterinen jáne jylyjaılarynan ónimdi satýǵa deıin daıyndaýǵa, óńdeýge jáne saqtaýǵa mamandandyrylǵan jeke ALO-y bar.
"О́zbekistanda iri agrokásiporyndar Agro-Logıstıkalyq Ortalyqtardy ashyp, tek óz ónimderimen jumys isteýge baǵdarlanǵan. ALO-da ónimdi keıinnen eksporttaý úshin qaıta óńdeý jolǵa qoıylǵan. Biz úshin bul tájirıbe de qyzyqty. ALO usaq fermerlerdiń ónimderin saqtaýǵa qabyldap, satý aldyndaǵy qyzmet kórsete alady, alaıda kazirgi kásiporyndardyń ALO qýattylyǵy ózdiriniń ónimderimen tolyqtaı júktelip tur", - dep túsindirdi G.Ahmettaeva.
Shaǵyn taýar óndirýshilerge qyzmet kórsetý úshin Tashkent 8 iri Agro-Logıstıkalyq Ortalyqtyń qurylysyn josparlap otyr. (Jobalar keıinnen jekeshelendire otyryp, Azııalyq Damý Banki men Dúnıejúzilik Banktiń qaryzdary esebinen iske asyrylatyn bolady). Sondaı-aq qazirgi zamanǵy agrologıstıkalyq ortalyqtardyń (jeke ALO) 37 ınvestısııalyq jobasyn uıymdastyrý boıynsha is-sharalar iske asyrylýda.
«Bul ALO shaǵyn fermerlerge taýarlardy egisten emes, jaqsy baǵamen satýǵa múmkindik beretin saqtaý qyzmetin usynady. Biz sondaı - aq ALO-ty ishki naryq teńgerimin jáne eksport úshin partııalardy irilendirý maqsatynda qamtamasyz etýdegi mańyzdy sheshim retinde qarastyramyz", - dep túsindirdi О́zbekstan Respýblıkasy Aýyl sharýashylyǵy mınıstrligi.
О́zbek tarapy Qazaqstan men О́zbekstannyń taýar ótkizý júıelerin túıistirýge qyzyǵýshylyq tanyp otyr.
Sapar barysynda delegasııa О́zbekstan Respýblıkasynyń Eksportty ilgeriletý agenttiginde de boldy, onda О́zbekstandaǵy eksporttaýshylardy qoldaý tetikteriniń erekshelikterimen tanysty. Máselen, О́zbekstanda eksporttaýshylardyń kólik shyǵyndarynyń ótemaqysy tek osy jyldyń mamyr aıynan bastap engizildi. Sonymen birge, kólik shyǵyndaryn óteýge arnalǵan tarıfteý jetkizý aımaǵyna jáne ónimniń túrine baılanysty.
QR SIM Saýda saıasatyn damytý ortalyǵy «QazTrade» men О́zbekstan Respýblıkasynyń Eksportty ilgeriletý agenttigi yntymaqtastyq týraly memorandým jasaý máselesin pysyqtaýǵa kelisti.
Delegasııa sondaı-aq Qazaqstan – О́zbekstan shekarasyndaǵy "B.Qonysbaev" (Qazaqstan jaǵy) - Iаllama (ózbek jaǵy) ótkizý pýnktinde bolyp, shekara arqyly júk avtokóligin ótkizý prosesterimen jáne qaıta qurý barysymen tanysty.
