Azamattyq forým – memlekettik organdar men úkimettik emes uıymdardyń basty únqatysý alańy

Keshe elordadaǵy Táýelsizdik saraıynda Qazaq­stannyń VI Azamattyq forýmy óz jumysyn basta­dy. Mádenıet jáne aqparat mınıstrligi men Qazaq­stan­nyń Azamattyq alıansy birlesip ótkizip otyrǵan bul jıynnyń basty taqyryby «Memleket basshysy Nursultan Nazarbaevtyń «Qazaqstan-2050» Stra­tegııasy aıasyndaǵy azamattyq qoǵam jáne zamanaýı syn-qaterler» dep atalady.

Forýmǵa elimizdiń barlyq aımaqtary­nan kelgen iri úkimettik emes uıymdardyń jetekshileri, Prezıdent Ákimshiliginiń jaýapty qyzmetkerleri, Úkimettiń birqatar músheleri, sondaı-aq ortalyq memlekettik organdardyń jáne halyq­aralyq uıymdardyń ókilderi qatysty. Qatysqan delegattar men arnaıy shaqy­rylǵan qonaqtardyń jalpy sany 600 adamǵa jýyqtaıdy. Al jıynnyń jalpy otyrysyna Qazaqstannyń Azamattyq alıansynyń basshysy Nurlan Erimbetov moderatorlyq etti.

Keshe elordadaǵy Táýelsizdik saraıynda Qazaq­stannyń VI Azamattyq forýmy óz jumysyn basta­dy. Mádenıet jáne aqparat mınıstrligi men Qazaq­stan­nyń Azamattyq alıansy birlesip ótkizip otyrǵan bul jıynnyń basty taqyryby «Memleket basshysy Nursultan Nazarbaevtyń «Qazaqstan-2050» Stra­tegııasy aıasyndaǵy azamattyq qoǵam jáne zamanaýı syn-qaterler» dep atalady.

Forýmǵa elimizdiń barlyq aımaqtary­nan kelgen iri úkimettik emes uıymdardyń jetekshileri, Prezıdent Ákimshiliginiń jaýapty qyzmetkerleri, Úkimettiń birqatar músheleri, sondaı-aq ortalyq memlekettik organdardyń jáne halyq­aralyq uıymdardyń ókilderi qatysty. Qatysqan delegattar men arnaıy shaqy­rylǵan qonaqtardyń jalpy sany 600 adamǵa jýyqtaıdy. Al jıynnyń jalpy otyrysyna Qazaqstannyń Azamattyq alıansynyń basshysy Nurlan Erimbetov moderatorlyq etti.

Eki jylda bir ótkiziletin Azamattyq forýmdar elimizdiń basty demokratııalyq dástúrleriniń biri bolyp tabylady ári memlekettik organdar men úkimettik emes uıymdardyń ashyq pikir alysatyn únqatysý alańy sanalady. Sondyqtan bolsa kerek, forýmda alǵashqy bolyp Premer-Mınıstrdiń birinshi orynbasary Baqytjan Saǵyntaev sóz alyp, elimizdegi «úshinshi sektordyń» damý barysyna, olarǵa Úkimet tarapynan kórsetilip kele jatqan qoldaý-kómekter jaıyna toqtalyp ótti. Úkimet basshysynyń birinshi orynbasarynyń atap ótkenindeı, búginge deıin úkimettik emes uıymdarǵa qoldaý kórsetýge baǵyt­talǵan qujattar ázirlenip, sonyń nátıjesinde Qazaqstannyń Azamattyq alıansy quryldy. Sondaı-aq, Azamattyq qoǵamdy damytýdyń tujyrymdamasy daıyndaldy.

Budan eki jyl buryn «úshinshi sektorǵa» memlekettik áleýmettik tapsyrys berý máselesin alty mınıstrlik daıyndaǵan bolsa, búginde osy máselemen segiz mınıstrlik aınalysyp keledi, dedi B.Saǵyntaev. Memlekettik áleýmettik tapsyrystardy oryndaýdan aýyl-selolardaǵy úkimettik emes uıymdar da syrt qalyp jatqan joq. Bıylǵy jyly aýyldyq jerlerde úkimettik emes uıymdarmen birlesken jobalardy júzege asyrý úshin memleket tarapynan bólingen qarjy kólemi 6 mıllıard teńgeden asyp tústi. Azamattyq qoǵam sektorlary­na qoldaý kórsetý aldaǵy jyldary da jalǵasatyn bolady. Daıyndalǵan «Úkimettik emes uıymdardy memlekettik qoldaý týraly» zań jobasyn talqylaýǵa «úshinshi sektor» da belsene qatysady degen senimdemin.

Sonymen qatar, B.Saǵyntaev bul forým memlekettik organdar men úkimettik emes uıymdardyń júıeli jumys isteýine jańasha serpin beretinin de atap ótti. Qazirgi kezde kóptegen problemalyq máselelerdi sheshýdi kózdeıtin osy zań jobasyn forýmǵa qatysyp otyrǵan tıisti mınıstrlik basshylary men ókilderin osy jıyn alańynda keńinen talqylap, qajet bolǵan jaǵdaıda úkimettik emes uıymdardyń usynys-pikirlerine nazar aýdarýǵa shaqyramyn, dedi Premer-Mınıstrdiń birinshi orynbasary.

Bulardan bólek, ol elimizde kez kelgen normatıvtik qujatty daıyndaýǵa ÚEU-nyń qatysýy mindetti ekenine, sondaı-aq, EKSPO-2017 halyqaralyq kórmesin uıymdastyrý, «jasyl ekonomıkany» damytý, shekara mańy yntymaqtastyǵyn keńeıtý sııaqty ulttyq jobalardy júzege asyrýdyń barlyq kezeńderine úkimettik emes uıymdardyń resýrstaryn tartý mańyzdy faktor bolatyndyǵyna da toqtaldy.

Prezıdent Ákimshiligi Basshysynyń oryn­basary Baǵlan Maılybaev qut­tyqtaý sózinde Elbasynyń «Qazaq­stan-2050» Strategııasyn júzege asyrýǵa Azamattyq qoǵam shet qalmaıtynyn atap ótti. Memleket basshysy Nursultan Nazarbaev usynǵan «Qazaqstan-2050» Strategııasyn is júzine asyrýǵa Azamat­tyq qoǵam da súbeli úles qosa alady, dedi B.Maılybaev osy jóninde. Stra­tegııanyń Qazaqstannyń álemdegi eń damyǵan 30 eldiń qataryna qosylýynda kózdeıtin basty mindeti – memleket pen qoǵamnan teń jaýapkershilik pen jemisti yntymaqtastyqty talap etetindiginde jatyr.

Prezıdent Ákimshiligi Basshysynyń orynbasary, sondaı-aq, úkimettik emes uıymdar elimizdegi eń qarqyndy damýshy ınstıtýttardyń biri bolyp tabylatynyna toqtaldy. Sheshenniń atap ótýinshe, memleket óziniń azamattyq sektordaǵy ókilettiligine baılanysty naqty quqyqtarǵa ıe. Ári ol memlekettik tapsyrystyń sapaly oryndalyp, oıdaǵydaı júzege asyrylýyn talap etýge quqyly. Qazirgi kezde elimizde 27 670 úkimettik emes uıym bar.

Jetekshi sarapshylardyń baǵalaýlary boıynsha, úkimettik emes sektor elimizdegi eń qarqyndy áleýmettik ınstıtýttardyń biri bolyp sanalady. Bul – Qazaqstan hal­qynyń úshten biri jumys isteıtin, ıaǵnı 1 mıl­lıon eńbek adamynyń áleýmettik jelisi. Júrgizilgen saýaldamaǵa qaraǵan­da, qazaqstandyqtardyń 60 paıyzdan astamy úkimettik emes uıymdardyń qyz­meti jóninde biledi. Al taǵy 40 paıyzdaıy úkimettik emes uıymdardy jáne olardyń qandaı salada, nendeı jumystarmen aınalysatyndaryn naqty atap bere alady.

Prezıdent Ákimshiligi Basshysynyń orynbasary búgingi kúni «úshinshi sek­tordyń» aldynda turǵan negizgi min­detterdi de atap ótti. Onyń aıtýyn­sha, búginde jáne aldaǵy ýaqytta úkimet­tik emes uıymdardan satyp alynatyn qyz­met túrleriniń sapasyn arttyrý qajet. Sonymen qatar, memlekettik áleý­met­tik tapsyrys júıesin jetildirip, olar­dyń oryndalý barysyna monıtorıng júrgizilýi tıis.

Budan keıin sóz alǵan EQYU-nyń Qazaqstandaǵy ortalyǵy jetekshisiniń orynbasary Jannet Kletser azamattyq qoǵamdy damytý demokratııanyń basty kórinisi ekenine toqtaldy. Sheshenniń atap ótýinshe, Qazaqstanda úkimettik emes uıymdar qarqyndy damyp keledi. Olardyń qyzmetin jandandyrýǵa memleket tarapynan qoldaý kórsetilýde. Buǵan mysal retinde ol úkimettik emes uıymdardyń memlekettik áleýmettik tapsyrys boıynsha oıdaǵydaı jumys isteı bastaǵanyn keltirdi.

Shyǵysqazaqstandyq delegat Vıtalıı Kýlıkovtyń aıtýynsha, Qazaqstanda 2014-2020 jyldary úkimettik emes uıymdardy damytý jónindegi tujyrym­da­malyq qujattyń burynǵy qujattarǵa qaraǵanda kóp erekshelikteri bar. Osy qujatty daıyndaýǵa kóptegen salalardan 150-den astam sarapshy qatysty. Usynystar men pikirler muqııat taldaýdan ótkizildi. Sonyń nátıjesinde qujat jobasy ázirlendi. Onda úkimettik emes uıymdardy damytýdyń barlyq máseleleri kórinis tapqan. Endi bizdiń qyzmetimizdi jandandyrýdy kózdeıtin «Úkimettik emes uıymdardy memlekettik qoldaý týraly» zań qajet.

Kelesi kezekte delegattarǵa úkimettik emes uıymdardyń jumysy týraly aıtý úshin sóz berildi. Onda birinshi bolyp Mańǵystaý oblysy alıansynyń tóraıymy Jaqsygúl Mahanbetova sóz alyp, úkimettik emes uıymdardyń ju­mysyn jandandyrý boıynsha óz oılarymen bólisti. Úkimettik emes uıym­dardy damytý – óte mańyzdy másele. Biz­diń jumysymyz «Qazaqstan-2050» Strategııalyq baǵdarlamasynda kóri­nis tapqan. Osy qujatta qoǵamdyq uıym­dardyń mańyzdylyǵyna qanshalyqty kóńil bólingenin kórýge bolady, dedi ol. Osylaı deı kelip, ol strategııalyq mańyzy zor qujatta kórsetilgen qoǵamdyq uıymdardyń jumysyna qoldaý kórsetý kez kelgen problemaǵa nemquraıly qaraı almaıtyn árbir azamattyń mindeti ári paryzy ekenin atap ótti.

Osy jerde sheshen úkimettik emes uıymdardyń jumysyn odan ári damytý boıynsha óziniń birneshe usynysyn jasady. J.Mahanbetova aldymen qoǵamdyq uıymdardyń qyzmetiniń ashyq jáne jarııa túrde bolýy kerektigin, eger bári jabyq túrde jáne astyrtyn jasalsa, jergilikti halyqtyń oǵan senimi joǵalatynyn atap kórsetti. Osyǵan baılanysty ol ÚEU maqsaty men mindetin tolyqtaı aıqyndap, qoǵamdyq uıymdar janynan keńester quryp, solardyń jumysy arqyly úkimettik emes uıymdardyń qyzmetin baqylaýdy usyndy.

Eger ÚEU janynan qoǵamdyq keńester qurylsa, memleket jáne basqa da uıymdarǵa bólingen qarjynyń qanshalyqty deńgeıde jumsalǵanyn baqylaýǵa bolady. Bul keńester uıymdardan ashyq esep berýdi talap etse, halyq ta aqshanyń qandaı maqsatqa jumsalǵanyn biletin bolady, dedi ol. Sonymen birge, ol qazirgi kezde ÚEU-nyń jumysy tek Astana men Almaty jáne oblys ortalyqtarynda júrgizilse, aýdan jáne aýyldyq jerlerde múldem kórinbeı kele jatqanyn jetkizdi. Osy máselege qynjylysyn bildirip, aldaǵy kezde respýblıkalyq bıýdjetten áleýmettik tapsyrysqa bólinetin lottardy aýyldyq aımaqtarǵa kóbeıtýdi usyndy.

Qazir respýblıkalyq bıýdjetten ÚEU jumysyna bólinetin qarjynyń jartysy Astana men oblys ortalyqtarynda qalyp qoıatynyn jasyra almaımyz. Al aýyldyq aımaqtarǵa ol tipten jetpeıdi desem bolady. Sondyqtan halyq arasynda qoǵamdyq uıymdardyń jumysyn kórsetý úshin bizge aldymen aýyldyq jerde ÚEU-nyń qyzmetin jetildirýimiz kerek. Sonda ǵana memleket pen úkimettik emes uıymdardyń halyqqa qyzmeti kórinedi, dedi ol.

Osydan keıin «Atameken» ulttyq kásipkerler odaǵy tóraǵasynyń birinshi orynbasary Rahym Oshaqbaev úkimettik emes uıymdardy qoldaýda atalǵan odaqtyń atqaryp jatqan jumysy tý­raly aıtyp berdi. Ol qoǵamdyq uıym­dardy qoldaý jáne damytý elimiz úshin óte mańyzdy másele ekenin, son­dyqtan «Atameken» odaǵy ÚEU-nyń qyzmetin birneshe jyldan beri qoldap, kóptegen uıymdarmen birigip jumys istep kele jatqanyn atap ótti. Osy ret­te­ «Atameken» odaǵy, eń bastysy, bilim berý, sonyń ishinde kásiptik-tehnıkalyq bilim berýge nazar aýdaryp, shaǵyn jáne orta bıznespen aınalysatyn azamattarǵa qolushyn sozyp otyrǵanyn jetkizdi.

Forýmda saıasattanýshy Dos Kóshimniń sózi áserli de qyzyqty shyqty. Ol da óziniń birneshe usynysymen bólisti. Munda D.Kóshim áýeli ÚEU-nyń ataýyna ózgeris jasaýdy usyndy. Úkimettik emes uıymdar degen ataýdan góri, qoǵamdyq uıymdar desek jaqsy bolar edi. О́ıtkeni, qoǵamdyq degenniń ózi memlekettiń kómeginsiz, óz kúshimen halyqtyń áleýmettik-turmystyq jaǵdaıyna, basqa da máselelerine qoldaý kórsetip jatqan uıym degendi bildiredi, dedi ol. Sodan keıin qazirgi kezde ÚEU-nyń jumysy kóbine orys tilinde júrgizilip, memlekettik tilimiz múldem eskerýsiz qalyp kele jatqanyn, osyǵan baılanys­ty úkimettik emes uıymdardyń qyzmetin taza qazaq tilinde júrgizý úshin arnaıy baǵdarlamalardyń bolýy kerektigin aıtty. Osy baǵdarlamalardyń jasalyp, elimizdiń túkpir-túkpirine taratyp berilýin usyndy.

Mysaly, elimizde bitimgershilikti oqytatyn 10 baǵdarlama bolsa, qazir biz sonyń bireýin de memlekettik tilde júrgizetin mamandardy tappaı kelemiz. Eger dál qazir elimizdiń barlyq óńirlerin aralaıtyn bolsańyzdar, qoǵamdyq uıymdar belsendileriniń bári de jumysyn tek memlekettik tilde júrgizý kerek degen talaptaryn aıtar edi. Sondyqtan men de ÚEU-nyń qyzmeti qazaq tilinde de júrgizilýi kerek degen usynys aıtamyn, dedi ol.

D.Kóshim óziniń taǵy bir usynysyn bildirdi. Onysy buǵan deıin forýmda aıtylǵan qoǵamdyq keńester qurý týraly máselege saıdy. Osyǵan baılanysty sheshen qoǵamdyq keńesterdiń mańyzdylyǵy týraly mynadaı mysaldar keltirdi. Munda ol qazirgi kezde jergilikti ákimder ÚEU-nyń jumysyna ózderiniń bir ókilderin jibere salýdy dástúrge aınaldyrǵanyn, sol sebepti qoǵamdyq uıymdardyń qyzmeti kóbine ákimdiktiń kóńiline qaraýmen ótetinin, olaı bolmaýy úshin bizge damyǵan elderdegi sııaqty ashyqtyq pen jarııalylyq qajet ekendigin, ári osy maqsatta qoǵamdyq uıymdarǵa ákimshilik qyzmetker emes, kez kelgen eldiń jaǵdaıyn jaqsy biletin adam kerek ekendigin atap aıtty.

Budan keıingi kezekte sóz tizginin elimizdegi múmkindigi shekteýli jandar­dyń «Jańa ómir» belsendilikke beıimdeý ortalyǵy» qoǵamdyq birlestiginiń tóraǵasy Aslan Dabylov aldy. Ol óziniń úkimettik emes sektorǵa qalaı kelgenin, qazirgi ýaqytta qandaı jumystar at­qaryp júrgenin aıtyp berdi. Men osydan birneshe jyl buryn jol-kólik oqıǵasyna tap boldym. Sonyń saldarynan múmkindigi shekteýli jandarǵa arnalǵan qolarbaǵa tańyldym. Kóp ýaqyt úıde otyrdym. Keıin oılana kele, úkimettik emes uıymdarǵa baryp, ózim sekildi qamkóńil jandarǵa qolushyn berip, qoldaý kórsetýim kerek degen sheshimge keldim. Biz, mine, osylaısha, bastamashy top quryp, qoǵamdyq birlestigimizdi ómirge ákeldik. Bizdiń birlestigimizdiń aty – «Jańa ómir». Múmkindigi shekteýli jandar kez kelgen qamqorlyqqa, meıirimge zárý ekenin bilesizder. Jaqynda Tuńǵysh Prezıdent Qorynyń bastamasy aıasynda bizdiń qoǵamdyq birlestik arnaıy joba boıynsha jeńimpaz atandy. «Jańa ómirde» 5 klýb jumys isteıdi. Olarda múmkindikteri shekteýli jandarǵa arnalǵan túrli úıirmeler bar. Jalpy alǵanda, 37 adam bul úıirmelerge aptasyna eki-úsh ret barady, dedi ol óz sózinde.

Sondaı-aq, qoǵamdyq birlestik ókili jaqynda Eńbek jáne halyqty áleýmettik qorǵaý mınıstrligi uıymdastyrǵan «Eń úzdik áleýmettik joba» baıqaýyn jeńip alǵandaryn jetkizdi. Qurylǵan jyldardan beri bizdiń uıym jaqsy nátıjelerge qol jetkizdi dep oılaımyn. Aldaǵy ýaqytta da ózimizdiń jumystarymyzdy jalǵastyra bermekpiz, dedi ol sóziniń sońynda.

Jıyn kezinde sóz alǵan Mádenıet jáne aqparat vıse-mınıstri Arman Qyryqbaev saıasatker Dos Kóshim kótergen úkimettik emes uıymdar salasyndaǵy qazaq tili máselesi týraly óz oıyn jetkizdi. Bul – bizdi de tolǵandyryp júrgen másele. Bıylǵy jyldyń aıaqtalýyna eki aı ǵana qaldy. Kelesi jyldyń basynan bastap, úkimettik deńgeıdegi arnaıy baǵdarlama bolmasa da, shynynda belgili bir nátıjege jetkizetin joba jasaıyq. Biz óz deńgeıimizde, múmkindiginshe oǵan qoldaý kórsetemiz, dedi A.Qyryqbaev.

Al Azamattyq alıans uıymynyń basshysy Nurlan Erimbetov jıynǵa qatysýshylardyń nazaryn eldiń qaýipsizdik máselesine aýdardy. Búginde álemde, Jer sharynda túrli jaǵdaılar men oqıǵalar beleń alýda. Ondaı jaǵdaılardy Afrıkadan, Azııadan, Eýropadan kórýge bolady. Bulardyń barlyǵy álemniń qubylmaly jaǵdaıdy bastan keship otyrǵanyn baıqatady. Al mundaı elge syrttan kez kelgen qaýiptiń tónýi ońaı. Sondyqtan, mundaı jaǵdaılarda azamattyq qoǵamnyń orny orasan. Biz búgin, mine, osy máselege aıryqsha nazar aýdarýymyz kerek. Elimizde túrli áleýmettik tapsyrys­tar júzege asyrylýda. Iаǵnı, memleket úkimettik emes uıymdarǵa kóńil bólýde. Biraq, biz osynyń barlyǵyn ıgere alamyz ba, bizde qoǵamǵa qajetti naqty jobalar bar ma, olardy júzege asyratyn myqty azamattar qanshalyqty kóp degen saýaldar týyndaıtyny da jasyryn emes. Demek, osyǵan sáıkes, bizdiń jaýapkershiligimiz de artýy kerek, dedi N.Erimbetov.

Sondaı-aq, ol úkimettik emes uıymdardyń jumysyn aldymen qarapaıym halyq qoldaý, baǵalaý qajettigin, halyq qoldaǵan kezde eshkimnen qoryqpaýǵa bolatynyn tilge tıek etti. Sonymen qatar, biz búgin ózin ózi jumyspen qamtyp otyrǵan adamdardyń ortasyna kóńil bólýimiz kerek. Olar ne istep júr, qalaı ómir súrýde degen saýaldar tóńireginde de oılanýymyz kerek. Iаǵnı, biz Qazaqstan otbasylarynda ne bolyp jatyr, qandaı jaǵdaılar bar degenge nazar aýdarýymyz kerek. Sebebi, túrli zorlyq-zombylyqtyń, sýısıdtiń beleń alýy qoǵamdy eriksiz oılandyryp otyr. Memleket bireýdiń úıine kire almaıdy. Oǵan quqy joq. Biraq, úkimettik emes uıymdardyń múmkindigi bar. Biz, mine, osy másele týrasynda oılanýymyz qajet. Jaýapkershilikpen qaraýymyz kerek. Azamattyq qoǵam kóp jaǵdaıda osy úshin qajet, dedi Azamattyq alıans uıymynyń basshysy.

* * *

Qazaqstannyń VI Azamattyq forýmy­nyń aıasynda úkimettik emes uıymdar men birlestikter ókilderi, delegattar elimizdiń mınıstrlikteri men vedomstvolarynyń basshylarymen de kezdesti. Kezdesý suraq-jaýap túrinde ótti.

Máselen, Mádenıet jáne aqparat mınıstrligi men úkimettik emes uıymdardyń ókilderiniń qatysýymen ótken seksııalyq otyrysqa Mádenıet jáne aqparat mınıstrliginiń jaýapty hatshysy Janna Qurmanǵalıeva qatysyp, qoǵamdyq uıymdardyń ókilderiniń suraqtaryna jaýap berdi. Suraq jáne jaýap pishininde ótken otyrysta elimizdiń jer-jerinen kelgen delegattar mınıstrliktiń jaýapty hatshysyna qoǵamdyq uıymdardyń jumysyna baılanysty ózderin tolǵandyryp júrgen suraqtaryn qoıdy. Al J.Qurmanǵalıeva olarǵa naqty jaýap qaıtaryp, máseleni sheshý joldaryn aıtyp otyrdy.

Máselen, «Sýharýshka» halyq ansambliniń jetekshisi Zınaıda Volkovanyń ansambldi qarjylandyrý máselesine qatysty qoıǵan suraǵyna jaýap­ty hatshy bul jergilikti ákimderdiń quzyryndaǵy másele ekenin, desek te, mınıstrlik ákimderge ansambldi qoldaý týraly arnaıy hat jiberetinin aıtty. Sol sııaqty ol Aqtóbe oblysy delegattarynyń ózge ult ókilderine sabaq beretin, olarǵa memlekettik tildi úıretetin oqytýshylardy qoldaýǵa baılanysty qoıǵan suraqtaryna J.Qurmanǵalıeva qazirgi kezde elimizde 100-ge taıaý til úıretetin ortalyqtardyń bar ekendikterin, 2020 jylǵa deıingi baǵdarlama boıynsha olardyń bárine mınıstrlik tarapynan qoldaý kórsetiletinin atap aıtty. Degenmen, J.Qurmanǵalıeva búginde memlekettik tildi úıretetin oqytýshylardyń sany az bolǵandyqtan, máseleniń áli de tolyqtaı sheshilmeı jatqanyn jasyrmady.

Osydan keıin de mınıstrliktiń jaýap­ty hatshysyna ózge de kóptegen suraqtar qoıylyp, tııanaqty jaýaptar qaıtaryldy. Olardyń bári derlik mádenıet jáne aqparat salalaryna arnaldy.

Bilim jáne ǵylym mınıstri Aslan Sárinjipovpen ótken kezdesýde ol: «Jaqynda Úkimette bilim jáne ǵylym salasyn damytýdyń negizgi baǵyttary týraly másele qozǵalǵanyn bilesizder. Bul másele mınıstrliktiń keńeıtilgen otyrysynda da talqylandy. Osy oraıda, bul forýmnyń biz úshin mańyzy zor. Sebebi, bizdiń vedomstvonyń negizgi baǵyttary – ashyqtyqty qamtamasyz etý, qoǵamdyq uıymdarmen, qoǵammen ózara únqatysýdy damytý. Sebebi, bilim men ǵylym máselesi barlyǵymyzdy, árbir otbasyn tolǵandyrady. Demek, kez kelgen másele eldiń uzaq merzimdi damýyna áser etip otyrady. Olar úlken aýqymdaǵy máseleler, júıeli túrde sheshýdi qajet etetin máseleler bolyp bólinedi. Bul oraıda, biz úshin únqatysýdyń, keri baılanystyń, onyń ishinde úkimettik emes uıymdarmen, qoǵamdyq birlestiktermen baılanys ornatýdyń mańyzy zor. Bizdiń baǵdarlamalarymyzdy, olardyń mazmunyn, kótergen máselelerimizdi qoǵamdyq pikirdi eskere otyryp júzege asyramyz. Sondyqtan, únqatysýǵa múmkindik beretin mundaı alańdar biz úshin mańyzdy. Aldaǵy ýaqytta mundaı mazmundaǵy únqatysýlar úzilmeıdi dep oılaımyz, dedi Bilim jáne ǵylym mınıstri.

Delegattar vedomstvo basshysynyń sózinen keıin ózderin tolǵandyrǵan saýal­daryn qoıyp, jaýaptar aldy.

Álısultan QULANBAI,

Dastan KENJALIN,

Láıla EDILQYZY,

«Egemen Qazaqstan».

Sýretti túsirgen Erlan OMAROV.