A.S.Pýshkın atyndaǵy Shyǵys Qazaqstan oblystyq jáne L.N.Tolstoı atyndaǵy Qostanaı oblystyq kitaphanalary arasynda tuńǵysh ret ádebı telekópir ótkizildi. Telekópirge kitaphanashylar, aqyn-jazýshylar, fılologııa, jýrnalıstıka fakýltetteriniń stýdentteri, ustazdary qatysty.
A.S.Pýshkın atyndaǵy Shyǵys Qazaqstan oblystyq jáne L.N.Tolstoı atyndaǵy Qostanaı oblystyq kitaphanalary arasynda tuńǵysh ret ádebı telekópir ótkizildi. Telekópirge kitaphanashylar, aqyn-jazýshylar, fılologııa, jýrnalıstıka fakýltetteriniń stýdentteri, ustazdary qatysty.
О́ziniń qaıtalanbas kórkimen, tamasha tabıǵatymen talaıdy tamsandyrǵan shyraıly shyǵys Qostanaı óńirine talantty aqyn-jazýshylaryn tanystyryp, qostanaılyq qalamgerlerdiń lebizin tyńdady. Kezdesý barysynda eki jaq – óskemendik «Shabyt», qostanaılyq «Taza bulaq» aqyndar mektebiniń músheleri ádebıet pen mádenıet máselelerin sóz etti. Pikir almasýǵa Shyǵys Qazaqstan oblysy jaǵynan «Egemen Qazaqstan» gazetiniń óńirdegi menshikti tilshisi, birneshe kitaptyń avtory Ońdasyn Elýbaı, aqyn Qazaqstan Jazýshylar odaǵynyń múshesi Baqytjan Raıysova, respýblıkalyq, oblystyq jyr músháıralarynyń birneshe dúrkin júldegeri jas aqyn Qyzyqbek Dúrgenbaı, ShQMÝ stýdenti, qazan aıynda Almatyda ótken óner festıvaliniń 2-oryn ıegeri, jas aqyn Jandos Amanjoluly qatysty.
Ońdasyn Elýbaı О́skemende Qazaqstan Jazýshylar odaǵynyń fılıaly bar ekenin, oblys ákimi B.Saparbaevtyń bastamasymen 200 tomdyq «Altaı» kitaphanasy jobasy boıynsha qazirdiń ózinde jıyrmaǵa tarta qalamgerlerdiń shyǵarmalary jaryq kórgenin, «Otyken» jýrnalynyń 2 myń danamen respýblıkaǵa tarap jatqanyn tilge tıek etip, óńirindegi aqyn-jazýshylar, olardyń ádebı ortasy, kitap shyǵarý t.b.atqarylyp jatqan is-sharalarǵa toqtaldy. Sonaý 80-jyldary ózine aǵalyq qamqorlyqpen aqjol tilegen qostanaılyq aqyn Ǵafý Qaıyrbekovti erekshe sezimmen eske alǵan aqyn Baqytjan Raıysova óziniń jerlesi Oralhan Bókeıge arnaǵan óleńin oqydy. Jas aqyndar Qyzyrbek pen Jandos ózderin tanystyra kele jyrdan shashý shashty.
Telekópirde qonaqtar jaǵynan sóz alǵan L.Tolstoı atyndaǵy kitaphana dırektory G.Qazına ádebı beınekópirdiń maqsaty – eki óńirdegi shyǵarmashylyq isterge serpin berýdi, qarym-qatynasty kúsheıtip, tájirıbe almasýdy kózdeıtinin aıtty. Qostanaı memlekettik ýnıversıtetiniń dekany K.Esirkepova oqý oryndaryndaǵy jastarǵa qoldaý kórsetý qajettigin aıtty. Qostanaılyq aqyn-jazýshylar Serikbaı Ospanov, aıtysker-aqyn Álfııa Ormanshına, aqyn Saltanat О́telbaeva t.b. ózderi jaıly aıta kelip, Qostanaıdaǵy ádebı orta týraly sóz qozǵady. Dıalog túrinde ótken kezdesý eshkimdi beıjaı qaldyrmady.
Jansaıa ÁShKENOVA,
A.S.Pýshkın atyndaǵy oblystyq
kitaphananyń bas kitaphanashysy.
О́SKEMEN.
