Konferensııany QR Aqparat jáne qoǵamdyq damý mınıstrligi, Nur-Sultan qalasynyń ákimdigi, N.Nazarbaev konfessııaaralyq jáne órkenıetaralyq dıalogty damytý ortalyǵy jáne "Mádenıet arqyly álem" Halyqaralyq qaýymdastyǵy uıymdastyrdy.
Konferensııaǵa Aqparat jáne qoǵamdyq damý vıse-mınıstri Marat Ázilhanov, Nur-Sultan qalasy Din isteri basqarmasynyń basshysy Nurdaýlet Álmuhanov, Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵynyń Basqarma tóraǵasy – Altaı Ábıbýllaev, "Mádenıet arqyly álem" Halyqaralyq qaýymdastyǵynyń prezıdenti – Tólegen Muhamedjanov, sondaı-aq qoǵam qaıratkerleri, dinı birlestikter men azamattyq qoǵam ınstıtýttarynyń ókilderi, Reseı, AQSh, Úndistan, Avstrııa, Shveısarııa, Germanııa, Lıvan, Qyrǵyz Respýblıkasynyń halyqaralyq sarapshylary qatysty.
Konferensııanyń maqsaty toleranttylyq, qazaqstandyq qoǵamda jáne jalpy álemde beıbitshilik pen turaqtylyq úshin rýhanı kelisim ıdeıalaryn ilgeriletý, azamattardy ortaq rýhanı jáne adamgershilik qundylyqtar aınalasynda biriktirý boldy.
Konferensııa barysynda qatysýshylar memlekettik-konfessııalyq jáne konfessııaaralyq qatynastar salasyndaǵy ózekti máselelerdi, jalpyulttyq ıdeıa negizinde qazaqstandyq biregeılikti nyǵaıtý mindetterin, sondaı-aq elimizde jáne álemde dinaralyq dıalog pen ózara túsinistikti ilgeriletýdegi azamattyq qoǵamnyń ósip kele jatqan rólin talqylady.
Esterińizge sala keteıik, Qazaqstanda Rýhanı kelisim kúni Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen Almaty qalasynda Dúnıejúzilik Rýhanı kelisim kongresiniń birinshi sessııasy 1992 jyldan bastap atap ótile bastady.
О́tkizilgen kongrestiń qorytyndy qujaty manıfest boldy, onda kezdesýge qatysýshylar 18 qazandy Rýhanı kelisim kúni - janjaldar men qaqtyǵystarǵa moratorıı, tatýlasýdy izdeý, jaqyndaryna meıirimdilik pen kómek kúni dep jarııalaýǵa shaqyrdy.
