"Qutqarýshy – árdaıym joǵary daıyndyqty, úlken jaýapkershilikti, sondaı-aq kásibı iskerlik pen qyraǵylyqty talap etetin mamandyq. Tótenshe jaǵdaılardyń aldyn alyp, oqys oqıǵany aýyzdyqtaýda qutqarýshylar laıyqty úlesin qosyp keledi", dedi oblys ákimi Mahambet Dosmuhambetov.
"Beıbarys sultan" alańynda Tótenshe jaǵdaılar departamentiniń ıeligindegi órt sóndirý, avarııalyq-qutqarý tehnıkalarynyń kórmesi ótip, gıdrosıkl, jol talǵamaıtyn "Trekol", "Holmatro" sekildi osy zamanǵy 17 túrli kólik qoıyldy. Departament bastyǵy, azamattyq qorǵaý polkovnıgi Omar Berjanovtyń málimetinshe, qazir qurylymda 690 qyzmetker, ártúrli 118 tehnıka bar. Sonyń ishinde 53 órt sóndirý, 19 arnaıy, 46 qosymsha, 20-dan astam júzý tehnıkasy órt sóndirý, avarııalyq-qutqarý jumystaryna jumyldyrylady. Qutqarýshylarǵa "Grom", "Abrek" atty eki ıttiń de kómegi tıedi.
Kórmedegi tehnıkalarǵa qyzyǵýshylyq tanytqan balalar órt sóndirý mashınasynyń kabınasyna, gıdrosıklge otyryp, qutqarýshylardyń kaskasyn kıdi. Jurtshylyqtyń nazaryn "Grom" men "Abrek" kóbirek aýdardy.
