Oqytýdyń eń tanymal baǵyttary aǵylshyn tilin (bıznes-aǵylshyn, aǵylshyn tilin oqytý tehnologııalary, jazbasha daǵdylar), IT-tehnologııalardy (Python, baǵdarlamalaý negizderi, Adobe Photoshop, HTML jáne CCS negizderi), kásipkerlik daǵdylardy oqý (ómir isin izdeý, óz qarajatyna bıznes, kompanııa qarjysy), sondaı-aq SMM quraldaryn, fotosýretterdi zertteý, adamı resýrstardy basqarý jáne t.b. boldy.
Eske sala keteıik, Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ Coursera jappaı onlaın-bilim berýdiń jetekshi alańynyń ókilderimen ýaǵdalastyǵy aıasynda atalǵan platformada álemniń jetekshi ýnıversıtetteri men kompanııalarynan tegin negizde 4 myńnan astam túrli kýrstarǵa qol jetkizýge múmkindik bar.
Oqýdan ótý úshin 31 qazanǵa deıin Elektrondy eńbek bırjasy arqyly ótinim berý jáne platformada tirkelýdi rastaý kerek (www.coursera.org).
