Búgin úkimet otyrysynda mınıstr halyqty dári-dármek quraldarymen jáne medısınalyq buıymdarmen qamtamasyz etý máselesi týraly esep berdi. Soı COVID-19 ekinshi tolqynyna daıyndyq qyzý júrip jatqanyn atap ótti.
"Kúz-qys maýsymdarynda koronavırýstyń jańa tolqyny bolýy múmkin degen kúdikpen birqatar jumys júrgizildi. Birinshiden, biryńǵaı dıstrıbıýtordyń (SQ Farmasııa - eskertý) qoımalarynda 2 aılyq dári-dármektiń azaımaıtyn qoryn qalyptastyrý. 8,2 mıllıard teńgege tapshy jáne qajet 44 dáriniń túri satyp alynyp jatyr. Ol bir aıǵa shamamen stasıonarlardaǵy 60 myń naýqasty emdeýge eseptelgen. Dári-dármektiń azaımaıtyn qory ótinimnen tys densaýlyq saqtaý mınıstrliginiń boljamy boıynsha saqtyq sharasy úshin satyp alynyp jatyr", dedi mınıstr.
Onyń aıtýynsha, COVID-19 boıynsha 2 aıǵa eseptelgen dári-dármek qory biryńǵaı dıstrıbıýtordyń (SQ Farmasııa - eskertý) habynda saqtalady.
"2020 jyldyń 15 qazanyndaǵy málimet boıynsha 5,92 mıllıard teńgege 37 dáriniń túri satyp alyndy. Bul shara dári-dármektiń rezervin qurýǵa múmkindik beredi", dedi Soı.
Aıta keteıik, Qazaqstanda 109 623 adam COVID-19 juqtyrdy. 105 145 naýqas aıyqty, 1 768 adam qaıtys boldy.
