DDU bas dırektory Tedros Gebreıesýs uıymnyń qoldaýymen epıdemııamen kúreste halyqaralyq yntymaqtastyqty nyǵaıtýǵa baǵyttalǵan #WeAreFamily (Biz – otbasymyz) naýqany bastalǵanyn habarlady.
"We Are Family" ("Biz – otbasymyz") tanymal ániniń arnaıy nusqasyn beınerolıkpen shyǵaramyz. Onda ataqty adamdar, dárigerler, basshylar jáne jurtshylyq ókilderi bul ándi birge oryndaıdy. Naýqan aıasynda búkil álemdegi adamdarǵa jaqyndarymen jáne dostarymen birge bul ándi shyrqap, áleýmettik jelilerge beıneler júkteý usynylady. Jańa bastamanyń maqsaty – densaýlyq saqtaý salasyndaǵy jahandyq problemalardy sheshý úshin qarajat jınaý, halyqaralyq yntymaqtastyq ornatý jáne qaýipti vırýspen kúreste árkimniń jaýapkershiligin arttyrý", dedi DDU dırektory.
Buǵan qosa, Tedros Gebreıesýs basshysy búgingi tańda bul ózara kómek burynǵydan da qajet dep sanaıdy, óıtkeni aýrýǵa shaldyǵýshylar sany tez ósýde, ıaǵnı aýrýhana oryndaryna, sonyń ishinde jansaqtaý bólimshelerine muqtaj adamdardyń sany artyp keledi.
"Soltústik jarty sharda qys túsip jatqanda, biz aýrýdyń kóbeıgenin baıqaımyz, ásirese Eýropa men Soltústik Amerıkada", dedi Tedros Gebreıesýs.
Sóz sońynda ol, pandemııanyń soltústik jarty sharda kúrdeli kezeńge aıaq basqanyn, aýrý juqtyrý deńgeıi indettiń sharyqtaý shegi bolǵan naýryz aıyndaǵydan úsh esege joǵary ekenin qaıtalap aıtty.
