Aımaqtar • 20 Qazan, 2020

Batys Qazaqstanda 300-den astam memlekettik qyzmetshiniń orny bos tur

34 ret kórsetildi

2020 jylǵy 1 qazanda jaǵdaı boıynsha Batys Qazaqstan oblysynda túrli deńgeıdegi 304 memlekettik qyzmetshiniń laýazymy bos turǵany belgili boldy, dep habarlaıdy Egemen.kz

Bul týraly Qazaqstan Respýblıkasy memlekettik qyzmet isteri agenttiginiń Batys Qazaqstan oblysy boıynsha basshysy, ádep jónindegi keńes tóraǵasy Ǵalym Tursynbaev habarlady. Maman tapshylyǵy óńirdegi barlyq shtat kestesiniń 7 paıyzyn quraıdy. Atap aıtqanda oblystyq deńgeıde – 103, aýdandyq deńgeıde – 146, aýyldyq deńgeıde – 47 memlekettik qyzmetshiniń orny bos tur eken.

Jyl basynan beri ótken 9 aı ishinde jergilikti atqarý organdarynan – 530 adam, ortalyq atqarý organdarynan – 237 maman qyzmetin aýystyrǵan. Sonyń ishinde 226 maman memlekettik qyzmetti múldem tastap ketken. Jergilikti atqarýshy organdarda júrgizilgen saýalnama qorytyndysyna qarasaq, jumystan shyqqandardyń 73,1%-y eńbekaqysy tómen bolǵandyqtan ketkenin aıtypty.

"Dıplommen aýylǵa"  jobasy aýyldyq apparatqa bilikti mamandardyń kelýine oń áser etip, maman tapshylyǵyn qysqartyp otyr, deıdi Ǵalym Sultanuly.

Jyl basynan beri oblystaǵy memlekettik organdarda ákimshilik memlekettik bos laýazymdarǵa 1388 konkýrs ótkizilgen. Osy baıqaýlarǵa barlyǵy 1324 úmitker qatysyp, 729-y jeńimpaz atanǵan.

"Jergilikti atqarýshy organdarda basshylyq laýazymdarǵa taǵaıyndaý úshin bıylǵy 9 aı ishinde 240 konkýrs ótkizildi. Oǵan 191 adam qatysyp, 151-i jeńimpaz boldy. Sonyń ishinde basqarýshy laýazymdarǵa 107 memleketti qyzmetshi ilgerletý maqsatynda joǵarǵy basshylyq laýazymǵa ornalasty. Aıta keteıik, bul baıqaýlar ashyq, ádil ótti. Konkýrstyq komıssııa jumysyn baıqaýshylardyń 80 paıyzy – qoǵamdyq birlestik ókilderi, deıdi Ǵalym Tursynbaev.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar