Turǵyndar qurbandyqqa shalatyn maldy tańdap, saýda qyza tústi. Satýshylardyń aıtýynsha, bıyl mal baǵasy ótken jylmen salystyrǵanda birshama qymbattaǵan. Buǵan jem-shóp pen tasymal shyǵyndarynyń ósýi sebep boldy. Qazir qoı baǵasy shamamen 80 myńnan 120 myń teńgege deıin jetken. Soǵan qaramastan, qurban shalýǵa nıetti jandardyń qatary azaımaǵan. Kópshilik bul kúndi tek dinı mindet retinde emes, saýap pen qaıyrymdylyqtyń merekesi retinde qabyldaıdy.
Memleket basshysy el turǵyndaryn Qurban aıt merekesimen quttyqtady
Qazaqstan musylmandary dinı basqarmasynyń sharıǵat jáne pátýa bóliminiń mamany Medet Qursaqov qurbandyq shalýdyń negizgi sharttaryn túsindirip ótti.
«Qurbandyq shalý – jaǵdaıy keletin, dáýleti saı árbir musylmanǵa mindet sanalady. Al turmysy tómen, buǵan shamasy jetpeıtin jandarǵa dinimiz eshqandaı aýyrtpalyq salmaıdy. Sondyqtan bul meıramdaǵy eń basty nárse – maldyń sany nemese baǵasy emes, adamnyń júregindegi shynaıy nıeti men yqylasy», deıdi Medet Qursaqov.
Halqymyzdyń ejelden kele jatqan izgi dástúri boıynsha, qurbandyqqa shalynǵan maldyń eti aǵaıyn-týysqa, kórshi-qolańǵa jáne áleýmettik kómekke muqtaj otbasylarǵa taratylady.
Naýryzbaı qajy Taǵanuly: Qurban aıt – jaqsylyqta jarysatyn mereke
Aıt kúnderi adamdardyń bir-birine qoldaý kórsetip, meıirim men janashyrlyq tanytýy – ulttyq bolmysymyzdyń ajyramas bólshegi. Qurban aıt – tek dinı mereke ǵana emes, el ishindegi birlik pen tatýlyqty nyǵaıtatyn úlken rýhanı qundylyq. Bul meıramnyń basty ereksheligi – adamdardy jaqsylyqqa, qaıyrymdylyq pen adamgershilikke shaqyrady.
Janasyl Zaıtımhan,
EUÝ stýdenti
