Aımaqtar • 20 Qazan, 2020

Shyǵysqazaqstandyqtar qarııalardy qýantty

120 ret kórsetildi

Úlkenge qurmet, kishige izetpen qaraıtyn eldiń urpaǵy qarttarǵa qamqorlyq jasaýdan jalyqqan emes. Jýyqta Semeı qalasyndaǵy fızıka-matematıka baǵytyndaǵy Nazarbaev Zııatkerlik mektebiniń oqýshylary qaladaǵy qarttar úıine baryp, qarııalardy qýantyp qaıtty, dep habarlaıdy Egemen.kz

Qarttar úıi negizinen "Han táńiri" shańyraǵymen áleýmettik seriktes. Nazarbaev Zııatkerlik mektebiniń ishinen qurylǵan "Han táńiri" shańyraǵynyń shákirtteri dástúrli túrde uıymdastyrylatyn "Qarttarǵa qamqorlyq" atty jobasynyń aıasynda aq jaýlyqty ájeler men aqsaqaldarǵa syı-syıapat jasady.

– Ekijaqty memorandým aıasynda jumys istep kelemiz. Bul joly biz qarııalarymyzdyń suraýy boıynsha shytyrman oqıǵaly 43 dana kórkem ádebıet kitaptaryn syıǵa tarttyq. Budan bólek, ismer ájelerimizge toqyma jibin apardyq, – deıdi "Han táńiri" shańyraǵynyń jetekshisi, pedagog-uıymdastyrýshy-kýrator Aqlıma Melsqyzy.    

Qarttar úıi basshylyǵymen aqyldasa otyryp, aldaǵy ýaqytta qaı baǵytta jumys isteıtindikteri de sheshildi. Endigi josparǵa 30 túp gúl kóshetterin otyrǵyzý men onlaın konsert qoıý engizildi. Sondaı-aq jyldyń ár mezgilinde qarttar úıiniń aýlasyna senbilik jasaý syndy jumystar da oıǵa alyndy. Oqýshylar qandaı kómek qolyn sozsa da karantındik talaptardyń barlyǵyn saqtaı otyryp, júzege asady.

Oqýshylardyń meıirbandyq tanytyp, úlkenderge qurmet kórsetip jatqandaryna qarttarmen qatar mekeme basshylyǵy da rıza boldy.  

– Sizdermen áleýmettik seriktes bolǵanymyzǵa óte qýanyshtymyz. Bizdegi ata-ájelerimiz kitap oqyǵandy erekshe jaqsy kóredi. Sizder tartý etken jańa kitaptar olardy úlken qýanyshqa bóleıtinine sóz joq.  Al toqyma jiptermen balalar úıiniń tárbıelenýshilerine toqyma buıymdaryn ázirleıtin bolamyz, –  dedi qarttar úıi dırektorynyń orynbasary Larısa Isaeva.

Balalardyń kóldeı kóńilderine rızashylyǵyn bildirgen ájelerdiń biri óz qolynan shyqqan toqyma buıymyn syıǵa tartty.

Sońǵy jańalyqtar

Tegimizdi jazýdy qashan túzeımiz?

Qoǵam • Búgin, 23:11

Tarıhty zerdeleý – urpaq mindeti

Tarıh • Búgin, 23:02

Qurban bolǵandardy anyqtaý – paryz

Tarıh • Búgin, 22:55

Qazaq radıosy qalaı ashyldy?

Suhbat • Búgin, 22:51

Vıkıngterdiń izimen

Tarıh • Búgin, 22:46

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Uqsas jańalyqtar