«Krendel» táttileri tamsandyrady

«Krendel» hanshaıymy atanǵan Zınaıda Parhomenkomen kezdes­keni­mizde, ol myna bir jaıtty esine aldy. Osydan 30 jyldaı ýaqyt buryn jeke kásipkerligin ashýǵa ruqsat berer aldynda qalalyq ákimdikte Zınaıdaǵa «Siz nege tek qana táttiler óndirisin jospar­ladyńyz?» degen suraq qoıylypty. «Halyq­aralyq standarttar deńgeıine saı keletin joǵary sapaly ónim daıyn­daǵymyz keledi», degen edim sonda», deıdi táttiler hanshaıymy.

Z.Parhomenko eńbek jolyn 1975 jyly kondıterlik isten bastaıdy. Taǵam daıyndaýshy, tehnık-tehnolog maman­dyǵy boıynsha tehnıkým bitirdi. Tehnolog, brıgadır, seh bastyǵy boldy. 90-jyldary óndiristen ketip, jeke ózi áýeli prıanık pen pechene sata bastady. Jergilikti óndiris quldyraý kezinde edi. Alǵash ret prıanık óndirý boıyn­sha jeke óndirisin ashty. Qyz-kelin­shek­terden quralǵan shaǵyn ujymy óz qol­darymen túrli táttiler daıyndap shyǵara bas­tady. Táttiler jasaýdaǵy kásip­kerlik joly aldymen úı jaldaýdan bas­talady. Keıin bir úıdiń ǵımaraty satyp alyndy. О́zi armandaǵan kondıter sehyn qurý­dy oılastyrdy. Joba-jos­parlary bir­tin­dep iske asty. Zınaıda jasaǵan tátti ónim­der kún saıyn sura­nysqa ıe bola tús­ti. Táttiler óndiri­sin iske qosý kásip­ker­liktegi negizgi strate­gııalyq maq­satyna aınaldy. Qyzy Inga ana­sy­nyń táttiler óndirisine «Krendel» dep at qoıady. Kondıter sehyn iske qos­qan­nan soń 1999 jyly jasa­ǵan ónim­deri­niń ótilimin qamtamasyz etý úshin «Kren­del» kondıterlik ortalyǵyn ashty.

Kondıterlik sehtar quryldy, avto­dúkender satyp alyndy, qalanyń ár jerinde táttilerdi saýdalaıtyn oryndar ashyldy. Bul jobalarǵa jalǵasyp, kofe ishetin oryn, VIP-zal jáne balalarǵa arnalǵan alańsha, «Kabachok 115» atty jańa dámhana da iske qosyldy. Sapaly, dámdi ónimder jasaý úshin kásiporynǵa jańa jabdyqtar, jańa zamanaýı tehnologııalar alyndy. Tehnologııalardy qoldana otyryp joǵary sapaly kondıter jáne unnan daıyndalǵan buıymdar jasalady.

Bul kúnderi Zınaıda Ahmedovna eli­mizdegi tanymal kásipker áıelderdiń qataryna qosyldy. Pavlodarlyqtar «Krendelmen» maqtanady, jaqsy kóredi. Almatyda, Nur-Sultanda, elimiz­­diń basqa óńirlerinde turatyn týys-týǵan «kelerde «Krendeldiń» tátti­lerin ala kelseńiz» dep ótinish jasap jatady. Satyp alýshylar men tapsyrys berý­shiler talabyna oraı sapaly ónimderdi saýdalaýda bul jerde joǵary iltıpatty qyzmet kórsetiledi.

«Krendeldiń» tehnolog mamandary kún saıyn jańa torttar, bálishterdiń, pechene, toqashtarlyń túrlerin oılap tabady. Tipti onyń túrlerin kún saıyn ózgertip, qulpyrtyp otyrady dese de bolar. О́zimiz kórgendeı, táttilerdiń ıisi ańqyǵan «Krendel» sehtary nan-toqash jáne kondıterlik ónimderge toly.

Kompanııa basshysy Z.Parhomenko shıki­zatty, ásirese, qantty shetelden satyp alýǵa májbúr ekenin aıtady. Sondaı-aq kásiporynǵa kondıterler, tehnologtar, basqa da bilikti kadrlar qajet. «Sondyqtan ár mamandy ózimiz­de turaqty jumys isteýge qaldyrý úshin jaqsy jaǵdaı jasaımyz. Búginde serik­­testikte  500-den astam adam, kóbi qyz-kelinshekter eńbek etýde», deıdi kásiporyn basshysy.

Jyl saıyn seriktestik óz qyzmetker­leri, kondıter qyz-kelinshekterimen qosa, turmysy tómen otbasylarǵa, «Qyzyl Aı», «Zaǵıptar» qoǵamyna, «Samal» balalar ońaltý ortalyǵyna de­meý­­shilik qoldaý kórsetedi. Áleýmettik má­se­­lelerdi sheshý, jetimderge, múgedek­terge, qart adamdarǵa kómek kórsetý maq­sa­tyn­da oblystaǵy qoǵamdyq qorla­rmen shart jasalǵan. О́ndiriste múgedek jandar jumysqa ornalastyryldy. Oblys ort­a­lyǵyndaǵy №2 mektep-ınternatqa jáne otbasy tıptes balalar úıine mate­rıa­l­dyq demeýshilik jasaıdy.

Qazir «Krendel» táttilerdiń 300-den asa túrin daıyndaıdy. Bıznes bir orynda turmaıdy. Seriktestik kondıterlik ónimderin saýdalaıtyn qosymsha saýda úıleri, meıramhana salyndy. Sehtarda jańa avtomattyq jelilerde túrli ónimder jasalýda. Bul ónimderdi elimizdiń basqa óńirlerine jáne Reseı naryǵyna shyǵarýǵa múmkindik berdi. Jyl saıyn kondıterler men aspazshylar jaqyn jáne alys shetelde biliktilikterin arttyrady. Tájirıbe almasý úshin TMD el­deri­nen, Eýropadan, Azııadan, Amerı­ka­dan mamandar shaqyrylady.

Táttiler bıznesiniń biregeı erekshe­ligi, ónimderdi tabıǵı ıngredıentterden jasap shyǵarý, aıryqsha ónimdi daıyn­daý, ıaǵnı tutynýshynyń tańdaýyn qam­tamasyz etý. «Krendeldiń» urany – sapa, turaqtylyq, iskerlik.

Shıkizat, qaǵaz oraýmen máselesi bo­ıynsha «Molkom» JShS (maıy alynbaǵan súttik jáne qyshqyldy-súttik ónim), «Ev­ra­zıan fýds korporeıshn» AQ fılıaly (sary maı-maı ónimi), «TRITIKIM» JShS, «Aslan» JShS (joǵary jáne birinshi surypty un), «Ardager-saýda» JShS (jumyrtqa ónimi), «Zavod-Gofrotara» JShS ydyspen jabdyqtaıdy.

– Tutynýshylar negizinen tortty kóptep satyp alady. Siz qandaı tort alasyz?, – dedi Zınaıda.

– Kóbinese «Molochnaıa devochka» tortyn alamyz. Samsa, baýyrsaqtaryńyz da keremet dámdi!, – deımin.

Seriktestik kondıterleri dámi til úıiretin túrli torttardan basqa prıanık, pechene, orama jáne pırojnyı, tátti pechene, keks, shyǵys táttileri tıptes kámpıtter, qyzdyrylyp pisirilgen jáne qýyrylǵan, muzdatylǵan, shala daıyn­dalǵan tushpara, manty, qamyr, zefır, pastıla, marmeladtar jasap shyǵarady. Árıne, qandaı da bolsyn tabysty brend­tiń basy-qasynda óz jumysyna shy­naıy berilgen patrıot ujym turady. Biz jazyp otyrǵan «Krendel» JShS-da sondaı táttiler jasaıtyn komanda. Ujym­daǵy árbir qyz-kelinshek óz isiniń bilgiri. 2011 jyly «Krendel» JShS eli­mizde ótetin «Paryz» baıqaýynyń «Eń úzdik ujym­dyq shart» nomınasııasynyń jeńimpazy atandy.

– Tek qana shynaıy damıtyn kásip­ker­lik is tabys ákeledi. Úkimet te óziń­­niń jeke súıikti isińdi jasa, kóptiń kóńilinen shyǵý úshin eńbek et, kásip ash, jaqsy ómir súr deıdi. Sol úndeýge laıyq bolýymyz kerek, – deıdi Zınaıda Ahmedovna.

Pavlodar oblysy