Aımaqtar • 21 Qazan, 2020

Kezekti otyrysta kóp másele aıtyldy

27 ret kórsetildi

Búgin oblys ákimi Gúlshara Ábdiqalyqovanyń tóraǵalyǵymen oblystyq tótenshe jaǵdaılardyń aldyn alý jáne olardy joıý jónindegi komıssııanyń kezekti otyrysy ótti. Komıssııa otyrysyna oblystyq departament jáne basqarma basshylary, sondaı-aq, selektorlyq baılanys arqyly aýdan ákimderi qatysty. Otyrysta 2020-2021 jyldardaǵy yqtımal sý tasqynynyń aldyn alý, oblys aýmaǵyndaǵy epızootııalyq ahýal men oblystaǵy qazirgi epıdemıologııalyq jaǵdaı jáne aldaǵy atqarylatyn sharalar týraly aıtyldy.

Birinshi másele boıynsha oblystyq jumyldyrý daıyndyǵy basqarmasynyń basshysy Medet Ýsaın habarlama jasady.

Jalpy aldaǵy 2020-2021 jyldardaǵy yqtımal sý tasqynyna daıyndyq sharalary boıynsha ózen boıy qorǵanys bógetteriniń tusy qaýipti 56 sý basý aımaqtaryna bólinip,  oǵan 122 jaýapty mekeme bekitilgen. Olarda 1491 adam, 432 arnaıy tehnıka bar.

Qazirgi tańda oblys boıynsha sý tasqynyna qarsy jumystarǵa paıdalanylatyn materıaldyq-tehnıkalyq qorda 76,7 tonna janar-jaǵar maı qory jáne 99 540 dana qap bar. Sondaı-aq, 27 750 baý qamys, 5 600 dana pashyn jáne 6 552 qarabýra men t.b. qajetti materıaldar qorlary jasaqtalǵan.

Bıyl sý tasqynynyń aldyn alýǵa  643,5 mln. teńge qarjy qaraldy. Onyń ishinde qorǵanys bógetterin nyǵaıtý, muz jarý jumystary men qap satyp alý, tikushaq qyzmetin paıdalaný qarastyrylǵan.

2020 jylǵa jalpy uzyndyǵy 70,5 shaqyrymdy quraıtyn ózen boıyndaǵy qorǵanys bógetteriniń 11 ýchaskesinde jóndeý, arnany qazý jumystary júrgiziledi dep josparlanǵan.

"Endi 2 aı shamasynda ózen arnasynda muz qata bastaıdy. Oblystyq jumyldyrý daıyndyǵy basqarmasyna osy maqsatta bólingen qarjynyń merziminde ıgerilýin jáne jumystyń sapaly atqarylýyn qatań baqylaýǵa alýdy tapsyramyn. Shuǵyl túrde Qarmaqshy aýdany Abyla eldi mekeni tusyndaǵy Toıymbet kanalyna 2 kózdi jáne Jańaqorǵan aýdanyndaǵy О́zgent kóline 1 kózdi sý tospalaryn salý qajet. Qazaly aýdanynyń Tasaryq, Qyzylqum eldi mekenin sý basýdan qorǵaý maqsatynda Qýańdarııa kanalyna 3 kózdi sý tospasyn salý jumystarynyń joba smetalyq qujattary ázirlenip, qurylysyna qarjy bólýge bıýdjettik ótinim joldansyn", - dedi oblys ákimi.

Sonymen qatar, tıisti sala basshylaryna sý basý aımaqtaryna jaqyn aýmaqtarǵa qajetti jumystardy uıymdastyrýdy jáne Shardara sý qoımasynan kúz-kóktem aılarynda Syrdarııa ózeniniń tómengi aǵysyna túsiriletin sý kóleminiń bekitilgen kestege sáıkes bosatylýyna únemi baqylaý jasaýdy júktedi.

Oblys aýmaǵyndaǵy epızootııalyq ahýal týraly oblystyq veterınarııa basqarmasynyń basshysy Ersultan Ápetov baıandady.

Ústimizdegi jyly oblys kóleminde aýyl sharýashylyǵy janýarlary arasynda aýrý oshaqtaryn boldyrmaý, aldyn alý, epızootııalyq turaqtylyqty saqtaý maqsatynda asa qaýipti 14 túrli juqpaly aýrýlarǵa respýblıkalyq bıýdjet esebinen qaralǵan 5542,4 myń doza veterınarııalyq preparat jetkizildi.

Oblys boıynsha joǵary patogendi qus tumaýy aýrýyn aldyn alý maqsatynda aýrýǵa qarsy 96,8 myń doza veterınarııalyq preparattar jetkizilip, úı qustaryna aldyn ala vaksına egildi.

Aımaq basshysy joǵary patogendi qus tumaýy aýrýynyń aldyn alý, boldyrmaý maqsatynda turǵylyqty halyq arasynda tıisti túsindirme jumystaryn turaqty túrde júrgizý qajet ekenin eskertip, oblys kóleminde asa qaýipti juqpaly aýrýlardy boldyrmaý maqsatynda veterınarııalyq is-sharalardyń ýaqytyly júrgizilýine baqylaýdy kúsheıtýdi júktedi.

Kún tártibindegi úshinshi másele týraly oblystyq densaýlyq saqtaý basqarmasynyń basshysy Sabıt Pazylov pen oblystyq bas memlekettik sanıtarııalyq dáriger Álııa Ábdiqaıymova baıandama jasady.

Búgingi kúnge, koronavırýs ınfeksııasy boıynsha aımaǵymyzdaǵy epıdemıologııalyq jaǵdaı turaqtaldy. Oblysta 210 ınfeksııalyq tósek oryn bar. 18 naýqas stasıonarlyq rejımde, 1 naýqas jansaqtaý bóliminde em alýda. Epıd maýsym bastalǵaly is-sharalarǵa tartylǵan barlyq  13 380 qyzmetkerge 2 573,9 mln teńge tólendi.

Medısınalyq quraldarmen jabdyqtalý 10 aıdyń qorytyndysymen 88,5% qurady. Infeksııalyq stasıonarlardyń reanımasııa bóliminde bul kórsetkish 75%-dan 85,06%-ǵa deıin joǵarylady.

Qazirgi tańda oblysymyzda 244 IVL apparattary jumys jasaýda. Odan bólek, óńirimizdegi medısınalyq uıymdarǵa gýmanıtarlyq kómek arqyly 658 ottegi konsentratorlary jetkizildi. Sonymen qatar, oblysta 518 ottegimen qamtamasyz etilgen tósek oryndar daıyn.

Oblysta 24 monıtorıngtik top jumys isteıdi. Barlyq aýdandar men oblys ortalyqtarynda turaqty túrde monıtorıng júrgizilýde. Reıdtik tekserýmen qamtylǵan obektiler sany - 2942.  Kezeń-kezeńmen iske qosylǵan obektilerge júrgizilgen monıtorıng barysynda 631 zań buzýshylyq anyqtalyp,  aıyppuldar salyndy.

Búgingi kúni 4 zerthana jumys jasap jatyr, qajettilikke baılanysty qosymsha 4 zerthana iske qosylýǵa daıyn.

"Maýsym-shilde aılaryndaǵy jaǵdaı qaıtalanbas úshin tıisti jumystardy ýaqytyly júrgizý qajet. Otbasylyq is-sharalar jasap jatqan turǵyndarǵa, kafe, meıramhana ıelerine qanshama eskertý berilse de, aıyppul salynsa da jumystaryn toqtatpaı otyr. Tipti memlekettik mekemelerdegi saqtyq sharalary qyzmetkerler arasynda tolyq saqtalmaıdy. Talap ortaq, karantın sharalarynyń tıimdi iske asýyna bárimiz jaýaptymyz", - dedi oblys ákimi.

Munymen qosa, josparlanǵan tósek oryndardyń daıyndyǵyn jáne naýqastardy ottegimen qamtamasyz etý boıynsha tıisti jumystardy júrgizý,  bastapqy medısınalyq-sanıtarlyq jáne stasıonarlyq kómek nysandarynyń qajetti resýrstarmen tolyǵymen jabdyqtalýyn qamtamasyz etý kerektigin atap ótti.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar