Palata Spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady Májilistiń baspasóz qyzmeti.
Palata Spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady Májilistiń baspasóz qyzmeti.
Kún tártibine sáıkes, «Ońaltý jáne bankrottyq týraly» zań jobasy ilespe túzetýlerimen palata qaraýyna birinshi oqylymda shyǵarylady. Al qarjylyq (ınvestısııalyq) pıramıdalardyń qyzmetine qarsy is-qımyl máselelerine qatysty túzetýler ekinshi oqylymda qaralsa, sonymen qatar, áleýmettik qamsyzdandyrý boıynsha zańnamalyq jańa engizilimder de qaralatyn bolady.
Jalpy otyrysqa: «2009 jylǵy 30 naýryzdaǵy Qazaqstan Respýblıkasy men Eýropa Qaıta qurý jáne damý banki arasyndaǵy Qaryz týraly kelisimge («Ońtústik – Batys» jol dáliziniń jobasy («Batys Eýropa – Batys Qytaı» halyqaralyq tranzıt dálizi) №1 Qosymsha kelisimdi ratıfıkasııalaý týraly»; «Qazaqstan Respýblıkasy men Azııa Damý banki arasyndaǵy Qaryz týraly kelisimdi (Jaı operasııalar) (OAО́EY Dáliz 2 Investısııalyq baǵdarlamasy [Mańǵystaý oblysyndaǵy ýchaskeler] - 2-joba) ratıfıkasııalaý týraly»; «1997 jylǵy 10 maýsymdaǵy Jazasyn ári qaraı óteý úshin, bas bostandyǵynan aıyrýǵa sottalǵan adamdardy tapsyrý týraly Qazaqstan Respýblıkasy men Ázerbaıjan Respýblıkasy arasyndaǵy Shartqa ózgeris engizý týraly Hattamany ratıfıkasııalaý týraly» zań jobalarynyń toby engiziledi.
Palata, sondaı-aq, Qyrǵyzstan Respýblıkasynda mektep salý týraly Qazaqstan – Qyrǵyzstan úkimetaralyq kelisimine ózgerister engizý týraly hattamany ratıfıkasııalaý týraly zań jobasy boıynsha salalyq komıtettiń qorytyndy ázirleý mezgilin naqtylaıtyn bolady.
