Taıaýda oblysqa "Kıroves" traktorlarynyń jańa partııasy keldi. Bir aıta keterligi, "Teh Agro-Atbasar" tehnıkalardy tasymaldaý seriktestigi Peterbýrg traktor zaýytynyń óńirdegi jalǵyz resmı ókili. Seriktestik qyzmetkerleriniń aıtýlaryna qaraǵanda, sońǵy jyldary oblysqa atalmysh traktordyń 11 túrli modeliniń 180-i jetkizilgen. Zamanaýı "Kıroves K-7M" traktorlary Qostanaı traktor zaýytynda bıylǵy jyldan bastap shyǵaryla bastady. Osy traktorlardy paıdalanyp kórgen aýyl sharýashylyǵy mamandary jańa tehnıkanyń birshama artyqshylyqtary bar ekendigin aıtyp otyr.
–2015 jyly osyndaı traktorlar bizge de jetti. Jumysqa tózimdi, qýaty mol, – deıdi "Shýıskoe HHI" seriktestiginiń bas ınjeneri Vıktor Krymov, – burynǵy tehnıkalarǵa qaraǵanda, ónimdiligi bir jarym esege jýyq. Júrisi óte jaıly. Mehanızatorlar birden úırenip aldy. Qysta qar tazalaýǵa, kez-kelgen júkti tasymaldaýǵa ábden jarap tur.
Búgingi tańda jańa tehnıkalardyń oń sıpattaǵy artyqshylyǵy kóptegen sharýashylyqtardy qyzyqtyrýda. Bir jaqsysy, traktor men onyń bólshekterin satyp alǵannan keıin belgili bir ýaqytqa kepildik berilip, servıstik qyzmet kórsetiledi. Osy tehnıkany tizgindegen mehanızatorlardyń aıtýyna qaraǵanda, táýligine 120 gektarǵa deıin jer jyrtý múmkindigi bar.
Nar táýekeldi qajet etetin óńirde kóktemgi egis pen kúzgi egin oraǵyn ýaqytyly aıaqtaý úshin tehnıkań saqadaı saı bolýy kerek. Eginniń shyǵymy da agrotehnıkalyq sharalardy merziminde oryndaýǵa tikeleı táýeldi. Mine osyndaı ýaqyttyń tar kezinde qýatty tehnıkaǵa ne jetsin?!
Aqmola oblysy
