"30 jyl ishinde biz Elbasynyń sarabdal saıasaty arqasynda bedeldi áleýeti mol memleket qurdyq. Jetistikterimiz az emes. Muny búkil álem moıyndap otyr. Degenmen, aldymyzda aýqymdy mindetter men bıik maqsattar tur. Onyń barlyǵyna josparly túrde qol jetkize beremiz. Men aıtqanymdaı, kelesi jyly táýelsizdigimizdiń 30 jyldyǵyn atap ótemiz. Táýelsizdiktiń urpaǵy – Otanymyzdyń erteńi. Elimizdiń odan ári damýynyń qozǵaýshy kúshi – solar. Táýelsizdiktiń 30 jyldyǵy – egemendiktiń bizge bergen ıgiligin saralaý jáne qundylyǵyn baǵalaý múmkindigi. Biz barlyq tabysqa azattyqtyń arqasynda qol jetkizdik", deıdi Memleket basshysy.
Sondaı-aq Prezıdent táýelsizdik eń asyl, eń qymbat, eń kıeli qundylyǵymyz ekenin aıtyp ótti.
Sóz sońynda Memleket basshysy: "Qazirgideı almaǵaıyp kezeńde memleketter men ulttar álsirep, egemendiginen de ońaı aıyrylyp qalýy múmkin. Buǵan keshegi tarıh, búgingi álem bederinde mysaldar jetkilikti. Otanymyzdyń ósip órkendeýi úshin qasterli táýelsizdigimizdi qorǵaý jáne nyǵaıtý – árbir Qazaqstan azamatynyń jáne barlyq saıası kúshterdiń abyroıly mindeti. Barshańyzǵa raqmet", dep keńes otyrysyn aıaqtady.
