"Baspana Kóktal" kóppáterli turǵyn úı kesheni birneshe jer ýchaskelerinde ornalasqan. Ol 13 úıden turady. Olardyń bireýi ǵana aıaqtaldy. Bes jyl buryn qalǵan 12 úı qurylys uzaqqa sozylǵan nysan retinde tanyldy. Olardyń árqaısysynda sheshilmegen, problemalyq máseleler boldy: shatyrdan sý ketý, qasbettiń, terezelerdiń, esikterdiń, lıft shahtalarynyń jáne t.b. bolmaýy. Jaryq, jylý, sý men káriz júıeleri de ınjenerlik jelilerge qosylmady.
Úleskerlermen birneshe ret kezdesip, josparly qurylys kestesin qurdyq. Bul úıde 600-ge jýyq otbasy páterlerin kútip júr.
Burynǵy qurylysshy birneshe qabatty zańsyz túrde salyp, lıftilerdi qarastyrmaǵan. Qurylys salasyndaǵy qoldanystaǵy normalarǵa sáıkes ǵımarat 6 qabattan assa mindetti túrde lıftimen qamtamasyz etilýi tıis. Sondaı-aq, órtke qarsy evakýasııalyq baspaldaqtar bolǵan joq. Osyǵan baılanysty lıftter men evakýasııalyq baspaldaqtardy ornatý úshin bólimderdi bólshekteý qajet boldy.
Barlyq atalǵan qurylys jumystary júrgizilip jatyr. Turǵyn úı keshenin "Elorda qurylys kompanııasynyń" qatysýymen "Nurly jer" baǵdarlamasy aıasynda salyp jatyrmyz. Qurylys qarqynyn kúsheıtip, úılerdi jyl sońyna deıin aıaqtaýdy tapsyrdym. Aýmaqty abattandyrý kóktemge josparlanǵan", dep jazdy Altaı Kólginov.
