Vıdeoda er adam ursysyp jatqan uldarǵa jaqyndap, qarsylasyn qalaı jeńý kerektigin túsindiredi. "Osylaı qulaǵynan usta, julyp al. Ony ur, sen nege tursyń?", dep balalardyń tóbelesýine túrtki bolady.
Qaraǵandy qalasynyń bilim bólimi bul oqıǵanyń Prıshahtınsk qalasynda 1 synyp oqýshylarymen bolǵanyn habarlady.
"Uldardyń bireýiniń ákesiniń áreketi orynsyz dep sanalady. Bul fakt Kırov polısııa bóliminde tirkelgen, oǵan tekserý júrgizilip jatyr. Jaǵdaı Oktıabr aýdandyq prokýratýrasynyń baqylaýynda", dep habarlady departament.
Qaraǵandy oblysynyń polısııa departamentiniń baspasóz qyzmeti oqıǵanyń 21 qazanda bolǵanyn habarlady.
"Kırov polısııa bólimi 39 jastaǵy turǵynnyń Zelınskıı kóshesindegi oıyn alańynda 7 jasar balaǵa dene jaraqatyn salý faktisin tirkedi. Tıisti saraptamalar taǵaıyndaldy, onyń qorytyndysy boıynsha sheshim shyǵarylady. Mán-jaı túsindirilip jatyr",dep túsindirdi polısııa.
