Esirtki qylmysyna qarsy is-qımyl basqarmasynyń qyzmetkerleri jáne Báıdibek APB-niń polıseıleri "Qarasora" jedeldetilgen-profılaktıkalyq is-sharasy aıasynda qarqyndy qyzmet atqarýda.
Osy oraıda tártip saqshylary júrgizgen is-shara barysynda jergilikti turǵynnan syrttaı tanysy óziniń úıinde esirtki zatyn zańsyz saqtaıtyny jáne paıdalanatyny týraly habarlaǵan.
Oqıǵa ornyna tártip saqshylarynyń jedel tergeý toby shyǵyp, kúdikti azamattyń turǵylyqty mekenjaıyna barady. Tintý barysynda úıiniń aýlasynda ornalasqan qorasynyń ishinen aqshyl-sary tústi esirtkige uqsas zattary tabyldy. Onymen qosa úı aýlasyn tekserý barysynda úsh shyny bótelke ishindegi esirtkige uqsas kók tústi hosh ıisti zattar tárkilendi.
Atalǵan jaıt boıynsha QR QK-niń 296-baby (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha qylmystyq is qozǵalyp, sotqa deıingi tergep-tekserý bastalǵan. Oqıǵa ornynan esirtkige uqsas kók tústi hosh ıisti zattaryna sot-saraptamalyq zertteý taǵaıyndalǵan.
Saraptama qorytyndysyna sáıkes 250 gr "marıhýana" ekeni anyqtaldy. Qazirgi tańda tergeý amaldary jalǵasýda. Kúdiktiniń bas sharasy qolhatta. Túrkistan oblysynyń tártip saqshylary tyıym salynǵan ósimdikterdi ósirý, zańsyz esirtki saýdasymen aınalysý, jalpy esirtkige qatysy bar jaıttar zań aldynda qatań jazaǵa tartylatynyn eskertedi. Keı sátteri qylmys jasap, zań buzǵan adamnyń jazalanatynyn bile tura zańsyzdyqqa jol berilip jatady.
Esirtkiniń qoǵam derti ekendigin esten shyǵarmaı, ony ósirip, qoldanyp, tasymaldaǵandarmen kúresýdi kúsheıtýimiz qajet. Sondyqtan siz, esirtki boıynsha qandaı da bir aqparatty bilseńiz birden polısııanyń "102" nómirine habarlasyńyz. Bul óz kezeginde esirtkige baılanysty qylmystardyń azaıýy men jolyn kesýge septigin tıgizedi.
