"22 qazanda Atyraý qalasynda jasyryn toı jasaǵan eki derek anyqtaldy. Inder aýdanynda osyndaı eki derek tirkelipti. Sońǵy úsh kúnde, ıaǵnı 20-22 qazanda júrgizilgen reıd kezinde 2273 nysan tekserildi.
Al, 11 shildeden búginge deıin turǵyndar 70 otbasylyq shara jasyryn ótkizgen. Atyraý oblysynda sanıtarlyq talaptardyń saqtalýyn baqylaıtyn monıtorıngtik top taratqan aqparatqa sáıkes, toı, sadaqa ótkizýden alǵashqy úshtikti Atyraý qalasy, Jylyoı men Qyzylqoǵa aýdany bastap tur", dep habarlady óńirlik kommýnıkasııalar qyzmeti.
Reıd kezinde 75 kafe, meıramhana syndy qoǵamdyq tamaqtaný oryndarynyń shekteý sharalaryn elemeı, jumys istegeni belgili boldy. Onyń 67-si Atyraý qalasynda, beseýi Jylyoı aýdanynda tirkelip otyr. Al 102 azyq-túlik dúkeninde bekitilgen ýaqyttan keıin de tutynýshylarǵa saýda jasalǵany anyqtaldy.
