Rýhanııat • 24 Qazan, 2020

Oısylqara áýlıe kesheni qorǵaýǵa alyndy

639 ret kórsetildi

Hromtaý aýdanynyń ońtústik-batys baǵytynda, aýdan ortalyǵynan  35 shaqyrym jerde  Oısylqara áýlıe qorymy bar.  Or ózenine quıatyn Oısylqara boıynda Muhammed paıǵambardyń zamanyndaǵy  ıslam dinin taratýshylardyń biri – Oısylqara áýlıe  jerlenýi múmkin, dep habarlaıdy Egemen.kz.

El ishinde túıeniń piri – Oısylqara esimimen tanylǵan Ýaıs al-Qoranı    sahabanyń  jeti jerde beıiti bar dep aıtylady. Solardyń biri Batystan shyǵysqa sozylyp jatqan kári Muǵaljar qyrattarynyń shetki tusy, Oısylqara ózenine jaqyn tóbeshiktegi qorym.  1980 jyldary ólketanýshy, sol kezdegi  oblystyq tarıhı-ólketaný mýzeıiniń dırektory  Rysjan Ilııasqyzy  Oısylqara aýylynyń turǵyndary –Tursyn Nurmuqanov, Ǵılman  Tólezbaev,  Abaı Jaqsylyqovtan  osy jerdiń qarttarynan jetken ańyzdy jazyp alǵan. Aýyl aqsaqaldarynyń aıtýynsha, jeti jurtty aralap qartaıǵan sahaba osy jerge jetkende, túıesin shógerip ómirden ótken. Sahaba qaıtys bolǵan kezde, onyń denesin alyp ketken adamdar osy tóbeshikten  jeti baǵytqa qaraı tarasqan. Árqaısysy jetektegen  túıege  artqan sandyqta Oısylqara áýlıeniń denesi  jatypty degen ańyz qalǵan.

Úlken tóbede eń birinshi bolyp sahaba  jerlengen soń  basqa beıitter keıinirek paıda bolǵanǵa uqsaıdy.  Qorymnyń shetindegi múk basqan kóne tastarmen qorshalǵan   Oısylqara zıratyn adamdar aıaǵymen  taqyrlanǵan eski súrleý  qorshap jatyr. Áýlıe zıratyn úsh aınala tilek tileý úrdisi ejelden osy kezge deıin jalǵasyp keledi. Tas qorymnyń   ońtústik betinde  «Qyz áýlıe» atanǵan eki tas belgi tur. Bul jerdegi zırat tastarynyń  kópshiliginiń  ortasynda  oıyqshalar tesilgen.

Hromtaý aýdandyq tarıhı-ólketaný mýzeıiniń dırektory Nurgúl Amanǵalıevanyń aıtýynsha, keńes ókimeti ornamastan buryn Oısylqara ózeniniń boıyn jaılaǵan jurttyń aqsaqaldary babasynan jetken ańyzdardy keıingilerge amanattap otyrǵan.  О́ıtkeni, bul  ólkede adamdar kóshi ejelden jalǵasyp keledi. Al, paıǵambar zamanynyń din taratýshylary Batystan shyǵysqa qaraı sozylyp jatqan kári Muǵaljar qyrattarynyń boıymen ózen jaǵalap júre bergen.

Qudyqsaı aýyldyq okrýginiń ákimi Qasym Shúıinishbaıulynyń aıtýynsha, demeýshiler kómegimen ortalyq qaqpasy bar 1500 metrlik  qorshaýǵa jáne arnaıy bannerge  tapsyrys berilgen. Sebebi,   jan-jaqtaǵy sharýa qojalyqtarynyń maly  osy jerge  jıi-jıi kirip ketip jatady.  Qorshaýdyń bıiktigi 4 metr dep úlgilengen.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar