Marapattaý rásiminde jobalary úzdik dep tanylǵan 22 belsendi jas 300 000 teńgeniń ıegeri atandy. Shara shymyldyǵyn dáýlesker kúıshi Ardabı Máýletuly ashyp, quttyqtaý sózdi fılologııa ǵylymdarynyń doktory, dıplomat, eks-senator Ádil Ahmetov aldy.
Granttar konkýrsynyń marapattaý rásimine Nur-Sultan qalalyq Jastar saıasaty máseleleri basqarma basshysy Dáýlet Káribek, «Asyl adam» qaıyrymdylyq qorynyń prezıdenti Aınur Súlkeeva, Ulttyq mýzeıdegi «Halyq qazynasy» bóliminiń basshysy Aqan Ońǵaruly, Ulttyq mýzeı dırektorynyń orynbasary Aıbar Qasenáli, aqyn, Jazýshylar odaǵynyń múshesi Ularbek Dáleı, «Ulttyq volonterlik jelisi» respýblıkalyq uıymynyń koordınatory Aısulý Jumashova qatysyp, 22 jeńimpazǵa aqjarma tilekterin arnap, sát-sapar tiledi.
Shara barysynda Qazaq ulttyq óner ýnıversıtetiniń túlekteri Maqpal Dúısen men Ernar Muhamed ásem ánderimen qonaqtar kóńilin kókke jetkizdi. Shara uıymdastyrýshysy «Adyrna» ulttyq-etnografııalyq birlestiginiń basshysy Arman Áýbákirdiń málimdeýinshe, komıssııa oqýshy, stýdent jastar men áleýmettik toptarǵa bilim berýge baǵyttalǵan, múmkindigi shekteýli adamdardy qoldaýǵa arnalǵan, medısınalyq baǵyttaǵy jáne karantın kezinde iske asyrylatyn, jastar belsendiligin damytýǵa arnalǵan jobalarǵa den qoıǵan. «Memleketten 22 jeńimpazǵa bólingen qarajat volonterlerdiń óz jobalaryn iske asyrýǵa jáne joba aıasynda qoǵam áleýetin kóterýge baǵyttaldy», dedi A.Áýbákir.
