Baıqaýǵa elordanyń 100-ge jýyq jas otbasy qatysty. Úsh kezeńnen turatyn irikteý kezeńi onlaın rejiminde ótkizilip, 10 otbasy fınalǵa ótti.
"Baıqaýdyń basty maqsaty – otbasylyq qundylyqtardy nasıhattaý. Erejege sáıkes jarys tórt kezeńde ótti. Birinshi kezeńde qatysýshylar "Bul saıysta nelikten biz jeńýimiz kerek?" degen suraqqa jaýap bere otyryp, vıdeo prezentasııa daıyndady. Irikteý kezeńinen ótken 80 otbasy messendjerlerdegi jalpy chatqa qosyldy jáne olarǵa kelesi kezeńderge tapsyrmalar berildi.
Ekinshi kezeńde "Birgemiz" jobasy aıasynda qatysýshylar volonterlikpen aınalysty. Úshinshi kezeńde "Otbasy – baqyt mekeni" taqyrybynda esse jazý qajet boldy. Qazylar alqasy jazbasha jumystardyń saýattylyǵyna jáne mazmunyna baǵa berdi", dedi jastar saıasaty máseleleri basqarmasy basshysy Baqytjan Júnisbekov.
